Fact Check : घरापासून 15 किमी अंतरापर्यंत आता हेल्मेटची गरज नाही?, जाणून घ्या 'त्या' व्हायरल मेसेजमागचं सत्य

By ऑनलाइन लोकमत | Updated: January 27, 2021 14:05 IST2020-08-09T13:30:16+5:302021-01-27T14:05:36+5:30

बाईक चालवताना चालकाच्या सुरक्षिततेसाठी हेल्मेट घालण्याचा सल्ला देण्यात येतो. मात्र सध्या सोशल मीडियावर घरापासून 15 किमी अंतरापर्यंत गाडी चालवताना हेल्मेटची गरज नाही असं सांगणारा एक मेसेज वेगाने फिरत आहे.

vehicle rule 15km helmet for bike in india fact check | Fact Check : घरापासून 15 किमी अंतरापर्यंत आता हेल्मेटची गरज नाही?, जाणून घ्या 'त्या' व्हायरल मेसेजमागचं सत्य — Fact Check : घरापासून 15 किमी अंतरापर्यंत आता हेल्मेटची गरज नाही?, जाणून घ्या 'त्या' व्हायरल मेसेजमागचं सत्य

नवी दिल्ली - कोरोनाचा संसर्ग रोखण्यासाठी देशामध्ये लॉकडाऊनची घोषणा करण्यात आली आहे. लॉकडाऊनमध्ये सोशल मीडियाचा वापर हा मोठ्या प्रमाणात केला जात आहे. मात्र याच दरम्यान अनेक मेसेज हे वेगाने व्हायरल होत आहे. व्हायरल होणारे मेसेज इतरांना पाठवण्याआधी त्याची सत्यता तपासणं अत्यंत महत्त्वाचं आहे. बाईक चालवताना चालकाच्या सुरक्षिततेसाठी हेल्मेट घालण्याचा सल्ला देण्यात येतो. मात्र सध्या सोशल मीडियावर घरापासून 15 किमी अंतरापर्यंत गाडी चालवताना हेल्मेटची गरज नाही असं सांगणारा एक मेसेज वेगाने फिरत आहे.

सोशल मीडियावर 15 किलोमीटर अंतरापर्यंत गाडी चालवणाऱ्यांना हेल्मेट सक्तीचं नाही असं सांगणारा एक मेसेज जोरदार व्हायरल होत आहे. मात्र याबाबत अधिक तपास केला असता हे खोटं असल्याचं समोर आलं आहे. मेसेजची सत्यता तपासली असता हेल्मेटबाबत व्हायरल होत असलेला हा मेसेज फेक असल्याची माहिती मिळाली आहे. प्रेस इन्फर्मेशन ब्युरो (पीआयबी) नेही हा व्हायरल होणारा मेसेज फेक असल्याचं सांगितलं आहे. अंतर कितीही असो हेल्मट घालणं सक्तीचं आहे त्यामुळे अशा खोट्या मेसेजपासून सावध राहा आणि सत्यता पडताळणं गरजेचं असल्याचं म्हटलं आहे.

दावा : व्हाट्सप्प पर वायरल एक मैसेज में यह दावा किया जा रहा है की शहर से 15 किलोमीटर के दायरे के अंदर वाहन चालकों को अब हेलमेट पहनना अनिवार्य नहीं है#PIBFactCheck : यह दावा फर्जी है! वाहन चालकों को अभी भी हेलमेट पहनना अनिवार्य है l pic.twitter.com/rFQBnV7zDM
— PIB Fact Check (@PIBFactCheck) August 7, 2020

पीआयबीने आपल्या ट्विटर अकाऊंटवरून याबाबत माहिती दिली आहे. सागर कुमार जैन नावाच्या व्यक्तीने दाखल केलेल्या याचिकेवर कोर्टाने हा निर्णय दिला आहे. जैन यांच्या याचिकेचा हवाला देत व्हॉट्सअ‍ॅपवर हेल्मेटचा मेसेज व्हायरल होत आहे. महानगरपालिका किंवा नगरपंचायतीच्या कार्यक्षेत्रांच्या 15 किमीच्या आतमध्ये लोकांना हेल्मेट घालणे बंधनकारक राहणार नसल्याचं या मेसेजमध्ये म्हटलं आहे. मात्र हा फेक मेसेज असल्याचं आता समोर आलं आहे.

नागरिकांनी अशा खोट्या मेसेजवर विश्वास ठेवू नये असं आवाहन पोलिसांनी केलं आहे. बाईक चालवताना हेल्मेट वापरणं अत्यंत गरजेचं आहे. लोकांच्या सुरक्षिततेसाठी ते महत्त्वाचं आहे. हेल्मेटबाबतच्या अफवांवर लोकांनी विश्वास ठेवू नये. तसेच अशी खोटी माहिती पसरवणारे मेसेज इतरांना पाठवू नये असं देखील त्यांनी म्हटलं आहे. एका हिंदी वेबसाईटने याबाबतचे वृत्त दिले आहे.

CoronaVirus News : पापड खाऊन व्हायरसचा सामना करा असा सल्ला देणाऱ्या मंत्र्यांनाच कोरोनाची लागणhttps://t.co/3AgMIjcfXp #coronavirus #CoronaUpdatesInIndia #COVID19India #CoronavirusIndia
— Lokmat (@MiLOKMAT) August 9, 2020