VIDEO: बसवेश्वर यात्रेत भाविकांवर रथ कोसळला, 6 गंभीर जखमी
By admin | Published: February 22, 2017 10:51 AM2017-02-22T10:51:12+5:302017-02-22T10:51:12+5:30
कर्नाटकातील बळ्ळारी जिल्ह्यात बसवेश्वर यात्रेदरम्यान 60 फुटी लाकडी रथ कोसळून झालेल्या दुर्घटनेत सहा जण गंभीर जखमी झाले आहेत
VIDEO: बसवेश्वर यात्रेत भाविकांवर रथ कोसळला, 6 गंभीर जखमी
Next
बंगळुरु, दि. 22 - कर्नाटकातील बळ्ळारी जिल्ह्यात बसवेश्वर यात्रेदरम्यान 60 फुटी लाकडी रथ कोसळून झालेल्या दुर्घटनेत सहा जण गंभीर जखमी झाले आहेत. कोटूर गावात मंगळवारी संध्याकाळी ही दुर्घटना घडली. रथाचं चाक निखळल्याने ही दुर्घटना घडल्याचं कळत आहे. सहा जण गंभीर झाल्याचं सांगण्यात येत असलं तरी हा आकडा 30 पर्यंत असल्याची माहिती सुत्रांकडून मिळत आहे . जखमींना उपचारासाठी रुग्णालयात दाखल करण्यात आलं आहे.
बसवेश्वर यात्रेतील गुरु कोट्टुरेश्वर स्वामी याच्या रथोत्सवात 60 फुटी रथ भक्तांकडून खेचला जात असताना ही दुर्घटना घडली.. रथाचं चाक निखळल्याने जमलेल्या लोकांना काही कळायच्या आताच हा रथ त्यांच्यावर कोसळला. यात्रेसाठी असंख्या भाविक उपस्थित असल्याने दुर्घटनेवेळी कोणालाही जागेवरुन हलता आलं नाही. रथाखाली आल्याने सहा जण गंभीर जखमी झाले असून हा आकडा वाढण्याची शक्यता आहे. दरम्यान यासंबंधी अधिकृत माहिती अद्याप मिळालेली नाही.
