12 वर्षाचा असताना केली होती हत्या, सपा नेत्याची ऑडिओ क्लिप व्हायरल
By admin | Published: January 5, 2017 10:57 AM2017-01-05T10:57:54+5:302017-01-05T10:57:54+5:30
मीरपूर विधानसभा मतदारसंघातून समाजवादी पक्षाचे उमेदवार असलेले शाहनवाज राणा यांची एक ऑडिओ क्लिप सध्या सोशल मीडियावर व्हायरला झाली आहे
12 वर्षाचा असताना केली होती हत्या, सपा नेत्याची ऑडिओ क्लिप व्हायरल
Next
मेरठ, दि. 5 - मीरपूर विधानसभा मतदारसंघातून समाजवादी पक्षाचे उमेदवार असलेले शाहनवाज राणा यांची एक ऑडिओ क्लिप सध्या सोशल मीडियावर व्हायरला झाली आहे. या ऑडिओ क्लिपमध्ये राणा मोठ्या अभिमानाने आपण 12 वर्षाचे असताना हत्या केल्याचं सांगत आहेत. ही ऑडिओ क्लिप व्हायरल झाल्यानंतर राणा यांच्यावर टीकेची झोड उठण्यास सुरुवात झाली. राणा यांनी मात्र ऑडिओ क्लिपमधील आवाज आपला नसल्याचा दावा केला आहे.
या ऑडिओ क्लिपमध्ये राणा पक्षाचा कार्यकर्ता जुनैद राजा याच्याशी बोलत आहे. यावेळी अनेक धक्कादायक खुलासे झाले आहेत.
'मला एक सांगा, आपल्यापेक्षा नालायक कोणी आहे का ? का आपल्याला सभ्यतेचा आव आणावा लागत आहे. पहिली हत्या मी 12 वर्षाचा असताना केली होती,' असं राणा या ऑडिओ क्लिपमध्ये बोलताना ऐकू येत आहे.
वाद वाढू लागल्यानंतर राणा यांनी स्पष्टीकरण देत हा आफला आवाज नसल्याचा दावा केला आहे. 'माझ्या मतदारसंघावर नजर असणा-यांनी रचलेला हा कट आहे. माझी उमेदवारी रद्द करण्यासाठी ते कोणत्याही स्तराला जाऊ शकतात,' असा आरोप केला आहे.
