VIDEO: पोलीस स्टेशनमध्ये पोलिसाचा बॉलिवूड गाण्यावर डान्स, सोशल मीडियावर व्हिडीओ व्हायरल

पोलीस स्टेशनमध्ये बॉलिवूडच्या गाण्यावर डान्स करतानाचा एका पोलिसाचा व्हिडीओ सोशल मीडियावर सध्या चांगलाच व्हायरल झाला आहे.

ठळक मुद्दे पोलीस स्टेशनमध्ये बॉलिवूडच्या गाण्यावर डान्स करतानाचा एका पोलिसाचा व्हिडीओ सोशल मीडियावर सध्या चांगलाच व्हायरल झाला आहे. . एक पोलीस कर्मचारी बॉलिवूडच्या गाण्यावर थिरकताना दिसतो आहे. तर दुसरा पोलीस त्या नाचणाऱ्या पोलिसाचं व्हिडीओ रेकॉर्डिंग करताना दिसतो आहे.

आसनसोल- पोलीस स्टेशनमध्ये बॉलिवूडच्या गाण्यावर डान्स करतानाचा एका पोलिसाचा व्हिडीओ सोशल मीडियावर सध्या चांगलाच व्हायरल झाला आहे. एक पोलीस कर्मचारी बॉलिवूडच्या गाण्यावर थिरकताना दिसतो आहे. तर दुसरा पोलीस त्या नाचणाऱ्या पोलिसाचं व्हिडीओ रेकॉर्डिंग करताना दिसतो आहे. या दोघांवरही बंगाल पोलिसांनी रविवारी कारवाई केली. सहाय्यक पोलीस उपनिरीक्षक सधन मोंडल हे या व्हिडीओमध्ये बॉलिवूडच्या गाण्यावर थिरकताना दिसत आहेत. 

सोशल मीडियावर व्हायरल झालेला हा व्हिडीओ हिरापूर पोलीस स्टेशनमधील आहे. या व्हिडीओमध्ये पोलीस अधिकारी ड्युटीवर असताना बॉलिवूडच्या गाण्यावर डान्स करतो आहे. तर पोलीस स्टेशनमधील काही महिला अधिकारी टाळ्या वाजवताना व हसताना दिसत आहे. एक मिनिटांची ही व्हिडीओ क्लिप सोशल मीडियावर व्हायरल झाली आहे.  

या प्रकरणी आसनसोल दुर्गापूर पोलीस आयुक्तालयाने चौकशीचे आदेश दिले आहेत. पोलिसांच्या बाबतीत अशा प्रकारची प्रकरण समोर आल्यास लोकांच्या डोळ्यातील पोलिसांची प्रतिमा कमी होईल. म्हणूनच शिस्त आणि कार्यक्षमता पाळणं गरजेच आहे, असं मत एका पोलिसाने व्यक्त केलं आहे. 

आसनसोल-दुर्गापूर आयुक्तालयाच्या अधिकारी लक्ष्मी नारायण मीना यांनी म्हंटलं की, या प्रकरणानंतर आम्ही दोन पोलिसांवर पोलीस स्टेशनमध्ये बंदीची कारवाई केली आहे. या प्रकरणात आरोपी पोलिसांना कारणं विचारली जातील. तसंच त्यावेळी पोलीस स्टेशनमध्ये बाहेरची व्यक्ती उपस्थित होती का ? याचाही तपास सुरू आहे.