VIDEO - 'रोड शो' दरम्यान राहुल गांधी यांच्या दिशेने फेकला बूट

काँग्रेस उपाध्यक्ष राहुल गांधी यांचा सोमवारी सितापूरमध्ये रोड शो सुरु असताना एका तरुणाने त्यांच्या दिशेने बुट फेकला.

 ऑनलाइन लोकमत 

सितापूर, दि. २६ -  काँग्रेस उपाध्यक्ष राहुल गांधी यांचा सोमवारी सितापूरमध्ये रोड शो सुरु असताना एका तरुणाने त्यांच्या दिशेने बूट फेकला. हा बूट राहुल यांच्या मागे उभ्या असलेल्या व्यक्तीला जाऊन लागला. 

 

राहुल ओपन जीपमधून जमलेल्या गर्दीला हात हलवून अभिवादन करत असताना बूट त्यांच्या दिशेने फेकला. बूट फेकणा-या व्यक्तीला पोलिसांनी अटक केली आहे. 

 

पुढच्या काही महिन्यात होणा-या उत्तरप्रदेश विधानसभा निवडणुकीच्या पार्श्वभूमीवर राहुल गांधी सध्या उत्तरप्रदेशच्या विविध जिल्ह्यांमध्ये जोरदार प्रचार करत आहेत. सितापूरमध्ये रोड शो सुरु असताना ही घटना घडली. भाजप आणि आरएसएस लोकांमध्ये व्देष निर्माण करते पण काँग्रेस आणि माझा प्रेमावर विश्वास आहे असे राहुल यांनी सांगितले. 

 

राहुल यांच्या दिशेने बूट फेकणा-या व्यक्तीचे नाव अनूप मिश्रा असून, त्याने पत्रकार असल्याचा दावा केला आहे. मागच्या दोन वर्षांपासून मी पत्रकारीतेत आहे. काँग्रेसने मागच्या ६० वर्षात देशाची वाट लावली. सत्तेत असताना त्यांनी काय केले ? असा सवाल अनूपने विचारला. 

 

Local hurls a shoe towards Congress VP Rahul Gandhi during his road show in Sitapur(UP),detained by police pic.twitter.com/oU3YsB3Fru

— ANI UP (@ANINewsUP) September 26, 2016