Video - दे दणादण! रुग्णालयाचा वॉर्ड बनला आखाडा; दोन गटात हाणामारी, रुग्ण गेले पळून

रुग्णालयातील वॉर्डमध्ये दोन गटांमध्ये हाणामारी झाल्याची धक्कादायक घटना समोर आली आहे. या भांडणाचा व्हिडिओही समोर आला आहे.

गुजरातमधील वडोदरा जिल्हा रुग्णालयातील वॉर्डमध्ये दोन गटांमध्ये हाणामारी झाल्याची धक्कादायक घटना समोर आली आहे. या भांडणाचा व्हिडिओही समोर आला आहे. वॉर्डमध्ये उपस्थित रुग्ण स्वत:ला जखमी होण्यापासून वाचवण्यासाठी इकडे-तिकडे पळताना दिसत होते. या हाणामारीचा व्हिडीओ सोशल मीडियावर जोरदार व्हायरल झाला आहे.

मिळालेल्या माहितीनुसार, वडोदरा एसएसजी रुग्णालयात दोन गटांमध्ये हाणामारी झाल्याची घटना मंगळवारी रात्री घडली. रुग्णालयातील वॉर्डमध्ये रुग्ण बेडवर पडून असून, त्यांना सलाइन लावल्याचं व्हिडीओमध्ये दिसत आहे. वॉर्डमध्ये लोकांची मोठी गर्दी असून त्यांच्यात बाचाबाची होत आहे.

वडोदरा :

दो ग्रुप के बीच आपसी रंजिश के चलते अस्पताल मैं ज़बरदस्त हाथापाई.

अस्पताल पहुँचने से पहले बाहर भी दोनों ग्रुप आपस मैं भिड़े थे.

भिड़ंत मैं कुछ ज़ख़्मी हुए तो उन्हें अस्पताल लाया गया वहाँ भी दोबारा भिड़े.

बाक़ी मरिजो और ड्यूटी पर मौजूद डॉक्टर्स मैं दहशत.#Vadodarapic.twitter.com/VueTYe45yk

— Anchor Vagisha Pandey (@VagishaPandey5) October 4, 2023

महिला आणि पुरुष एकमेकांशी खूप भांडत आहेत. या घटनेने रुग्णालयात खळबळ उडाली आहे. एकमेकांना लाथा मारल्या जात आहेत, लाथा-बुक्क्यांनी मारहाण केली जात आहे, कानाखाली मारल्या जात आहेत. एकमेकांचे केस ओढले जात आहेत. वॉर्डमध्ये एक पोलीस कर्मचारीही हजर असतो, मात्र तो हाणामारी थांबवू शकत नाही.

बेडवर असलेले रुग्ण जखमी होण्याच्या भीतीने जीव वाचवण्यासाठी पळून जातात. अटेंडंट आपल्या रुग्णांना वॉर्डमधून बाहेर काढताना दिसत आहेत. एकमेकांशी भांडण करणारे तरुण एकमेकांपासून लांब जातात आणि वाद शांत झाला. याच दरम्यान, इतर पोलीस आणि रुग्णालयातील सिक्योरिटी वॉर्डमध्ये पोहोचल्याचं पाहायला मिळत आहे. एका हिंदी वेबसाईटने याबाबतचे वृत्त दिले आहे.