डोळ्यात पेपर स्प्रे करुन पट्ट्याने बेदम मारहाण, महिलांच्या गुंडगिरीचा व्हिडिओ व्हायरल

पगार मागण्यासाठी गेलेल्या ट्रॅक्सी चालकाला महिलांनी कपडे फाटेपर्यंत मारहाण केली.

रायपूर: छत्तीसगडच्या रायपूरमध्ये महिलांनी तरुणाला बेदम मारहाण केल्याचा व्हिडिओ सोशल मीडियावर व्हायरल झाला आहे. रायपूरच्या स्वामी विवेकानंद आंतरराष्ट्रीय विमानतळावर रविवारी ही घटना घडली, तिथे उपस्थित एका प्रत्यक्षदर्शीने घटना रेकॉर्ड करुन व्हायरल केली. व्हिडिओमध्ये, महिला त्या पुरुषाला बेल्टने कपडे फाटेपर्यंत मारहाण करताना आणि चापटा मारताना दिसत आहेत.

चालक थकबाकी घेण्यासाठी गेला होता
मीडिया रिपोर्ट्सनुसार, युवकाचे नाव दिनेश असे असून तो राहुल ट्रॅव्हल्स नावाच्या कंपनीत ऑटो टॅक्सी चालक आहे. दिनेशने तक्रारीत म्हटले की, कंपनीने त्याला वर्षी मे आणि जून महिन्याचा पगार दिला नाही. आपले थकित पैसे मागण्यासाठी तो कंपनीच्या कार्यालयात पोहोचला असता कर्मचाऱ्यांनी त्याच्याशी गैरवर्तन केले. त्याने मॅनेजरचा नंबर मागितला असता महिलांनी त्याला मारहाण आणि शिवीगाळ करण्यास सुरुवात केली. 

रायपुर एयरपोर्ट पर ट्रैवेल्स कंपनी में काम करने वाली लड़कियों की गुंडागर्दी, सैलरी मांगने पर ड्राइवर को बेल्ट से पीटा, चेहरे पर मिर्च स्प्रे किया। pic.twitter.com/H4xmykGhmD

— Adi Vatsal (@VatsalAdi) September 19, 2022

महिलांच्या गुंडगिरीचा व्हिडिओ व्हायरल
मुलींच्या हल्ल्याचा बळी ठरलेल्या दिनेशचे म्हणणे आहे की, त्याचे कपडे फाटेपर्यंत मुलींनी त्याला मारहाण केली. महिलांच्या मारहाणीदरम्यान तो व्यक्ती पळून जाण्याचा प्रयत्न करतोय, पण महिला त्याच्या डोळ्यात पेपर स्प्रे करुन त्याला बेदम मारहाण करतात. या घटनेनंतर दोन्ही बाजुने रायपूरमधील माना पोलिस ठाण्यात गुन्हा दाखल केला आहे.