VIDEO : ट्रकखाली चिरडून शिक्षकाचा जागीच मृत्यू

एका विचित्र अपघातात 27 वर्षांच्या एका शिक्षकाचा दुर्दैवी मृत्यू झाला आहे. मृत पावलेल्या व्यक्तीचे नाव मनिष असून ते सरकारी शाळेतील शिक्षक होते.

ऑनलाइन लोकमत

नवी दिल्ली, दि. 27 -  जफ्फरपूर कालन परिसरात झालेल्या एका विचित्र अपघातात 27 वर्षांच्या एका शिक्षकाचा दुर्दैवी मृत्यू झाला आहे. मृत पावलेल्या व्यक्तीचे नाव मनिष असून ते सरकारी शाळेतील शिक्षक असल्याची माहिती समोर आली आहे.

 

मनिष यांच्या बाईकला मागील बाजूने येणा-या एका कारचालकने जोरदार धडक दिल्याने त्यांचा बाईकवरील ताबा सुटला, याचवेळी समोरुन येणा-या ट्रकखाली हा तरुण शिक्षक आला आणि चिरडला गेला. मनिषचा जिव वाचवण्यासाठी तातडीने हॉस्पिटलमध्ये दाखल करण्यात आले मात्र डॉक्टरांनी त्यांना मृत घोषित केले.   

 

या विचित्र अपघाताचे सीसीटीव्ही फुटेज पोलिसांनी जारी केले आहे. मात्र त्यातील दृश्य चित्त विचलित करणारी आहेत. प्रत्यक्षदर्शीने दिलेल्या माहितीनुसार, मनिष यांच्या बाईकला कारने दिलेली धडक इतकी तीव्रतेची होती की जागेवरुन फरफटत तो कित्येक मीटर दूर फेकला गेला. त्यांच्या मदतीसाठी कुणी जाणार इतक्या त्यांच्या अंगावरुन ट्रक गेला, ट्रकखाली चिरडला गेल्याने या शिक्षकाचा दुर्दैवी अंत झाला.

 

 

मनिष यांच्या बाईकला धडक देणा-याची ओळख पोलिसांनी पटवली असून तो अल्पवयीन असल्याचे सांगण्यात येत आहे. अपघातानंतर कारचालक आणि ट्रकचालकानेही घटनास्थळावरुन पळ काढला. यानंतर संतप्त जमावाने दोन्ही वाहनांची तोडफोड केली. या अपघाताप्रकरणी गुन्हा दाखल करण्यात आला आहे.