Video: भाजपा नेत्याला कार्यकर्त्याची लाथ; नेता थेट झाडाझुडूपात

पश्चिम बंगालमध्ये आज विधानसभेच्या तीन जागांसाठी पोटनिवडणुका सुरु आहे.

नवी दिल्ली: पश्चिम बंगालमध्ये आज  विधानसभेच्या तीन जागांसाठी पोटनिवडणुका सुरु आहे. मात्र निवडणुकासाठी पोलिसांचा बंदोबस्त मोठ्या प्रमाणात असताना देखील तृणमूल काँग्रेस आणि भाजपाच्या कार्यकर्त्यांमध्ये राडा झाल्याचे समोर आले आहे.

करीमपुर विधानसभा क्षेत्रातील भाजपाचे उमेदवार व प्रदेश उपाध्यक्ष जय प्रकाश मजूमदार मतदान केंद्रावर पाहणी करण्यासाठी गेले होते. त्यावेळी तिथे उपस्थित असणाऱ्या तृणमूल काँग्रेसच्या कार्यकर्त्यांकडून परत जा, परत जा अशा घोषणा देण्यात येत होत्या. तसेच जय प्रकाश मजूमदार यांना धक्काबुक्की करत मारहाण केल्याचे समोर आले आहे. यासंबंधित पोलिसांनी तपास सुरु केला असून लवकरात लवकर आरोपींवर कारवाई करण्यात येईल असं स्थानिक पोलिसांनी सांगितले.

#WATCH West Bengal BJP Vice President and candidate for Karimpur bypoll, Joy Prakash Majumdar manhandled and kicked allegedly by TMC workers as voting is underway in the constituency. #WestBengalpic.twitter.com/Vpb5s14M5A

— ANI (@ANI) November 25, 2019

पश्चिम बंगालमध्ये तीन जागांसाठी पोटनिवडणुका आज पार पडत आहे. यामध्ये सकाळी 11 पर्यत 30.17 टक्के मतदान झाले होते. या निवडणुकीचा निकाल 28 नोव्हेंबरला जाहिर करण्यात येणार आहे.