विजय माल्या बुडीत कर्जप्रकरणी 9 जणांना न्यायालयीन कोठडी
By admin | Published: January 24, 2017 06:06 PM2017-01-24T18:06:57+5:302017-01-24T18:41:28+5:30
विजय माल्याच्या बुडीत कर्जप्रकरणी आयडीबीआय बँकेच्या माजी अध्यक्षांसह 8 जणांना 7 फेब्रुवारीपर्यंत न्यायालयीन कोठडी सुनावण्यात आली आहे.
विजय माल्या बुडीत कर्जप्रकरणी 9 जणांना न्यायालयीन कोठडी
Next
ऑनलाइन लोकमत
मुंबई, दि. 24 - विजय माल्याच्या बुडीत कर्जप्रकरणी आयडीबीआय बँकेच्या माजी अध्यक्षांसह 8 जणांना 7 फेब्रुवारीपर्यंत न्यायालयीन कोठडी सुनावण्यात आली आहे.
विजय माल्याच्या बुडीत कर्जप्रकरणी सीबीआयने आयडीबीआय बँक आणि किंगफिशर एअरलाइन्सवर गुन्हा दाखल करुन याप्रकरणी किंगफिशरचे 4 अधिकारी आणि आयडीबीआय बँकेच्या माजी अध्यक्षांसह चार माजी अधिका-यांना सोमवारी अटक केली. दरम्यान, याप्रकरणी सर्व आरोपींवर आज आरोपपत्र दाखल करण्यात आले असून सीबीआयच्या विशेष न्यायालयाने त्यांना 7 फेब्रुवारीपर्यंत न्यायालयीन कोठडी सुनावली आहे. तसेच, याप्रकरणी पुढील सुनावणी 30 जानेवारीला होणार असल्याचे न्यायालयाने सांगितले.
विजय माल्याच्या नेतृत्वाखाली असलेल्या यूबी ग्रुपवर सीबीआयने धाड टाकल्या असून विजय माल्याने 6 हजार 209 कोटी रुपयांच्या बुडवलेल्या कर्जाची यूबी ग्रुपकडूनच वसुली करण्यात येत आहे.
बँकांचे कर्ज बुडवल्यानंतर मल्या 2 मार्च 2016लाच इंग्लंडला पळून गेला. सक्तवसुली संचलनालयाच्या याचिकेवरून माल्यावर हवाला रॅकेट चालवत असल्याचा ठपकाही मुंबई उच्च न्यायालयाने ठेवला आहे.
Vijay Mallya loan default case: Court to hear the bail application of all 9 accused on 30th Jan
— ANI (@ANI_news) 24 January 2017
Vijay Mallya loan default case: Special CBI court sends all 9 arrested accused to Judicial custody till 7th Feb.
— ANI (@ANI_news) 24 January 2017
