क्रूर ! भरस्त्यात वयोवृद्ध महिलेला तरुणाची अमानुष मारहाण 

उत्तर प्रदेशातील बरेली येथील एक व्हिडीओ सोशल मीडियावर प्रचंड व्हायरल झाला आहे. या व्हिडीओमध्ये एक व्यक्ती भररस्त्यात वयोवृद्ध महिलेला अतिशय अमानुष पद्धतीनं मारहाण करत आहे.

लखनौ - उत्तर प्रदेशातील बरेली येथील एक व्हिडीओ सोशल मीडियावर प्रचंड व्हायरल झाला आहे. या व्हिडीओमध्ये एक व्यक्ती भररस्त्यात वयोवृद्ध महिलेला अतिशय अमानुष पद्धतीनं मारहाण करत आहे. ही घटना घडत असताना त्यांच्या बाजूनं माणसांची ये-जादेखील सुरू आहे, मात्र तरीही या तरुणाची वृद्ध महिलेला मारहाण कायम सुरू असल्याचं या व्हिडीओमध्ये दिसत आहे. या व्हायरल व्हिडीओची विश्वासार्हता तपासण्याचं कार्य सुरू असल्याची माहिती पोलिसांकडून देण्यात आली आहे. संबंधित व्यक्तीची ओळख झाल्यानंतर लवकरच अटकेची कारवाई करण्यात येईल, असेही पोलिसांनी सांगितले आहे. दरम्यान, हे दोघंही एकमेकांना ओळखत असल्याचं या व्हिडीओवरुन दिसत आहे.   

#WATCH: An old woman thrashed by a man in Bareilly, Police say,' video footage is being examined and accused will be identified.Once he is identified, we will arrest him' pic.twitter.com/wnnLdIISn0

— ANI UP (@ANINewsUP) February 10, 2018

यापूर्वी राजस्थानातील शाहजहापूर येथे अशाच प्रकारची घटना घडली होती. माणुसकीला काळामी फासणा-या या घटनेमध्ये एक मुलगा स्वतःच्या आजारी आईला बेदम मारहाण करत असल्याचा व्हिडीओ व्हायरल झाला होता. मिळालेल्या माहितीनुसार, मुलानं केलेल्या मारहाणीत वयोवृद्ध महिलेचा मृत्यू झाला.