...तर पंतप्रधान मोदी तुमचा फोटो रिट्विट करतील; देशवासीयांना केलं आवाहन

पंतप्रधान नरेंद्र मोदी चांद्रयान-2 चं लँडिंग इस्रोमध्ये जाऊन ६० विद्यार्थी आणि शास्त्रज्ञांसमवेत बघणार आहेत.

ठळक मुद्दे'चांद्रयान-2' आज मध्यरात्री १.३० ते २.३०च्या सुमारास चंद्रावर लँड होणार आहे.पंतप्रधान नरेंद्र मोदी चांद्रयान-2 चं लँडिंग इस्रोमध्ये जाऊन ६० विद्यार्थी आणि शास्त्रज्ञांसमवेत बघणार आहेत. नरेंद्र मोदींनीही नागरिकांना हा अनुपम्य सोहळा पाहण्याचं आवाहन केलंय.

भारताच्या इतिहासात आजची मध्यरात्र सुवर्णक्षरांनी लिहिली जाणार आहे. भारतीय अंतराळ संशोधन संस्था- इस्रोनं पाठवलेलं 'चांद्रयान-2' आज मध्यरात्री १.३० ते २.३०च्या सुमारास चंद्रावर लँड होणार आहे. हा ऐतिहासिक क्षण डोळ्यात साठवून ठेवण्यासाठी देशवासीय उत्सुक आहेत. अशातच, पंतप्रधान नरेंद्र मोदींनीही नागरिकांना हा अनुपम्य सोहळा पाहण्याचं आवाहन केलंय. चांद्रयानाचं लँडिंग पाहतानाच फोटो सोशल मीडियावर पोस्ट करा, मी त्यातले काही रिट्विट करेन, असंही त्यांनी जाहीर केलंय. 

'चंद्रापासून ३० किलोमीटर इतक्या अंतरावर गेल्यानंतर चांद्रयान-2 ची गती कमी करण्यात येणार आहे. 'लँडर विक्रम'ला चंद्राच्या भूमीवर उतरवणं अतिशय आव्हानात्मक आहे. ती १५ मिनिटं अत्यंत महत्त्वाची ठरणार आहेत. आतापर्यंत ४ चक्रव्यूह यशस्वीपणे भेदणारं चांद्रयान हे आव्हानही पार करेल, असा विश्वास देशवासीयांना आहे. परंतु, या १५ मिनिटांत इस्रोच्या शास्त्रज्ञांना सर्वस्व पणाला लावावं लागणार आहे. या सॉफ्ट लँडिंगनंतर चंद्रावर पोहोचणार भारत चौथा देश ठरेल.

The moment 130 crore Indians were enthusiastically waiting for is here! 

In a few hours from now, the final descent of Chandrayaan - 2 will take place on the Lunar South Pole. 

India, and the rest of the world will yet again see the exemplary prowess of our space scientists.

— Narendra Modi (@narendramodi) September 6, 2019

पंतप्रधान नरेंद्र मोदी चांद्रयान-2 चं लँडिंग इस्रोमध्ये जाऊन ६० विद्यार्थी आणि शास्त्रज्ञांसमवेत बघणार आहेत. त्याआधी त्यांनी काही ट्विट करून देशवासीयांना शुभेच्छा दिल्या आहेत, अभिनंदन केलं आहे. चांद्रयान-2 चं लँडिंग अधिकाधिक देशवासीयांनी पाहावं, या हेतूने मोदींनी जनतेला एक ऑफर दिली आहे. हे लँडिंग पाहतानाचा फोटो सोशल मीडियावर पोस्ट केल्यास मोदी तो रिट्विट करणार आहेत. '१३० कोटी देशवासीय ज्या क्षणाची वाट बघत आहेत, तो काही तासांवर आला आहे. देश आणि जग पुन्हा एकदा आमच्या शास्त्रज्ञांची शक्ती पाहील', असं मोदींनी म्हटलंय.

चंद्र कसा बनला आहे? चंद्रात कलाकलाने बदल का-कसा होतो? चंद्रावर पाणी आहे, असलं तर किती आहे? या आणि अशा अनेक रहस्यांचा उलगडा चांद्रयान-2 मुळे होणार आहे. विक्रम लँडर चंद्राच्या दक्षिण ध्रुवावर उतरल्यानंतर त्यातून प्रज्ञान रोव्हर बाहेर पडणार आहे. हा रोव्हर पुढची दोन वर्षं चंद्रावरील छायाचित्र इस्रोला पाठवेल. आत्तापर्यंत अमेरिका, रशिया आणि चीन चंद्रावर सॉफ्ट लँडिंग करण्यात यशस्वी झाला आहे. आज हा मानाचा तुरा भारताच्या, इस्रोच्या शिरपेचात खोवला जाईल. 

Chandrayaan-2 : चंद्रावरील रहस्य उलगडणार, 'ती' 15 मिनिटं श्वास रोखून धरायला लावणार!https://t.co/vWG8kaXkZQ#Chandrayaan2pic.twitter.com/uNCFjLA2x9

— Lokmat (@MiLOKMAT) September 6, 2019

Chandrayaan-2 : जाssदू... चंद्रावर उतरल्यानंतर प्रज्ञान रोव्हर 'असं' होणार चार्ज, 2 वर्षं फोटो पाठवणार!https://t.co/mE515dHhjV#Chandrayaan2

— Lokmat (@MiLOKMAT) September 6, 2019

तुम्हीही होऊ शकता या ऐतिहासिक क्षणाचे साक्षीदार 

इस्रोच्या अधिकृत वेबसाइटवर चांद्रयान 2 लँडिंगचे लाइव्ह स्ट्रीमिंग दाखविण्यात येईल. 

प्रेस इन्फॉर्मेशन ब्यूरो(PIB) च्या यू-ट्युब पेजवरून लाइव्ह स्ट्रीमिंग दाखवलं जाईल. 

दूरदर्शनच्या सर्व चॅनेलवर याचं लाइव्ह टेलिकास्ट करण्यात येईल.