ममता सरकारचा मोठा निर्णय; राज्यपालांऐवजी स्वतःच होणार सर्व स्टेट युनिव्हर्सिटीजच्या चान्सलर

पश्चिम बंगालचे मंत्री ब्रत्य बसू यांनी यासंदर्भात घोषणा केली आहे.

पश्चिम बंगालमध्ये ममता सरकारने मोठा निर्णय घेतला आहे. या निर्णयानुसार, आता पश्चिम बंगालमध्ये राज्यपालांऐवजी स्वतः मुख्यमंत्रीच स्टेट युनिव्हर्सिटीजचे चान्सलर असतील. पश्चिम बंगालचे मंत्री ब्रत्य बसू यांनी यासंदर्भात घोषणा केली आहे.

विधानसभेत सादर केले जाणार विधेयक -  
आता सर्व सरकारी युनिव्हर्सिटीजचे चान्सलर राज्यपाल नव्हे, तर स्वतः मुख्यमंत्री असतील, असा निर्णय आज घेण्यात आला आहे. यासंदर्भातील कायद्यात बदल करण्यासाठी विधानसभेत विधेयक सादर केले जाईल, असे पश्चिम बंगालचे मंत्री ब्रत्य बसू यांनी म्हटले आहे. 

Today we have taken a decision that all state-run universities will have the CM - and not Governor - as the Chancellor. This will be taken to the Assembly for the Act to be amended: West Bengal Minister Bratya Basu

(File photo) pic.twitter.com/4ExFwkcvo2

— ANI (@ANI) May 26, 2022

राज्यपालांनी न विचारताच केल्या होत्या नियुक्त्या - 
तत्पूर्वी, पश्चिम बंगालचे राज्यपाल जगदीप धनखड (Jagdeep Dhankhar) यांनी, राज्य सरकारची सहमती न घेताच, अनेक कुलगुरूंची नियुक्ती केल्याचा आरोप   करण्यात आला होता.