संदेशखालीच्या गुन्हेगारांना सोडणार नाही; नरेंद्र मोदींचा TMC वर हल्लाबोल

Loksabha Election 2024: लोकसभा निवडणुकीच्या प्रचारासाठी नरेंद्र मोदी पश्चिम बंगालला गेले होते. त्याठिकाणी मोदींनी तृणमूल काँग्रेस आणि इंडिया आघाडीवर टीका केली. 

कूचबिहार - Narendra Modi on TMC ( Marathi News ) गेल्या १० वर्षात जो विकास झाला आहे तो फक्त ट्रेलर आहे. माझं कुटुंब नाही असं विरोधक म्हणतात, पण संपूर्ण भारत माझं कुटुंब आहे. संदेशखालीच्या गुन्हेगारांना वाचवण्यासाठी कुणी संपूर्ण ताकद लावल्याचं बंगालच्या जनतेनं पाहिलंय. संदेशखालीमध्ये महिलांसोबत जे घडलं, ते टीएमसीच्या अत्याचाराचं टोक होतं. संदेशखालीच्या गुन्हेगारांना शिक्षा मिळणारच, त्यांना आयुष्यभर जेलमध्ये राहावं लागणार असा इशारा पंतप्रधान नरेंद्र मोदींनी दिला आहे.

पश्चिम बंगालच्या कूचबिहार इथं मोदींची रॅली होती. त्यात मोदी म्हणाले की, मी भ्रष्टाचार हटाओचा नारा देतोय तर विरोधी पक्ष भ्रष्टाचाऱ्यांना बचाओ म्हणतंय. भाजपा सरकारनं CAA कायदा आणला. परंतु इंडिया आघाडी त्याबाबत चुकीचा भ्रम लोकांमध्ये पसरवतंय. इंडिया आघाडीचे टीएमसी, डावे आणि काँग्रेस खोटं बोलून राजकारण करतात असं त्यांनी आरोप केला. 

#WATCH पश्चिम बंगाल: प्रधानमंत्री नरेंद्र मोदी ने कूच बिहार में कहा, "बंगाल के विकास के लिए यहां भाजपा का मजबूत होना बहुत जरूरी है, भाजपा ही है जो यहां माताओं-बहनों पर होने वाले अत्याचार को रोक सकती है। पूरे देश ने देखा है कि कैसे TMC सरकार ने संदेशखाली के गुनहगारों को बचाने के… pic.twitter.com/SnBBVtXWUt

— ANI_HindiNews (@AHindinews) April 4, 2024

त्याचसोबत स्वातंत्र्यानंतर आपल्या देशात ६-७ दशकं लोकांनी केवळ आणि केवळ काँग्रेसचं मॉडेल पाहिले. मागील १० वर्षात देशानं पहिल्यांदा संपूर्ण बहुमत असलेलं भाजपा सरकारचं मॉडेल पाहिले. आज जगभरात भारताचं कौतुक होत आहे. सरकार अनेक मोठमोठे निर्णय घेत आहे. कारण १४० कोटी भारतीय जनतेचं स्वप्न पूर्ण करायचं आहे. मोदी भारताच्या जनतेचा सेवक आहे असंही पंतप्रधान नरेंद्र मोदी यांनी सभेत म्हटलं.

दरम्यान, बंगालच्या विकासासाठी या राज्यात भाजपाला मजबूत होणं गरजेचे आहे. याठिकाणी महिलांवर होणारे अत्याचार केवळ भाजपाच रोखू शकते. तृणमूल सरकारने संदेशखालीच्या गुन्हेगारांना वाचवण्यासाठी ताकद वापरली. इंडिया आघाडी याठिकाणी वेगवेगळी लढते, दिल्लीत एकत्र आहेत. याठिकाणी तृणमूलचे गुंड तुम्हाला मतदान करण्यापासून रोखतील तर पूर्ण हिंमतीने उभं राहा. निवडणूक आयोग जागरूक आहे. तुमच्या प्रत्येक मताची किंमत आहे. त्यामुळे निर्भीडपणे मतदान करायला बाहेर या असं आवाहनही मोदींनी जनतेला केले. 

#WATCH पश्चिम बंगाल: प्रधानमंत्री नरेंद्र मोदी ने कूच बिहार में कहा, "यह TMC के गुंडे आपको वोट देने से रोकते हैं तो पूरी हिम्मत से खड़े हो जाइए, इस बार चुनाव आयोग बहुत जागरूक है, आपके एक-एक वोट की ताकत वे समझते हैं इसलिए आप निडर होकर वोट करने निकलिए।" pic.twitter.com/ELcxezAEbg

— ANI_HindiNews (@AHindinews) April 4, 2024