माझी ऑफर नाकारू नका, मी दिलेले पैसे बँकांना घ्यायला सांगा; विजय मल्ल्याचे मोदींसाठी ट्विट

बँकांचे तब्बल 9 हजार कोटी रुपयांचे कर्ज थकवून ब्रिटनमध्ये पसार झालेला उद्योगपती विजय मल्ल्याने थकीत रकमेची परतफेड करण्याचा पुर्नउच्चार केला आहे.

ठळक मुद्देबँकांना थकीत रक्कम द्यायला तयार - विजय मल्ल्यापंतप्रधान मोदी, बँकाना पैसे घ्यायला सांगा - विजय मल्ल्या

नवी दिल्ली - बँकांचे तब्बल 9 हजार कोटी रुपयांचे कर्ज थकवून ब्रिटनमध्ये पसार झालेला उद्योगपती विजय मल्ल्याने थकीत रकमेची परतफेड करण्याचा पुर्नउच्चार केला आहे. सोळाव्या लोकसभेत संसदेतील अखेरच्या भाषणात पंतप्रधान नरेंद्र मोदी यांनी विजय मल्ल्यावर अप्रत्यक्ष निशाणा साधला. याचाच संदर्भ देत मल्ल्यानं गुरुवारी (14 फेब्रुवारी) ट्विट केले आहे. मल्ल्यानं ट्विट करत म्हटलंय की, बुधवारी संसदेत पंतप्रधान नरेंद्र मोदी यांनी दिलेले भाषण मी ऐकले. निश्चित ते एक अतिशय उत्तम वक्ते आहेत. भाषणादरम्यान त्यांनी 9000 कोटी रुपये घेऊन पळालेल्या एका अज्ञात व्यक्तीचा उल्लेख केला. त्यांचा हा रोख माझ्यावर होता, याचा अंदाज मी लावू शकतो.

मी त्यांना आदरपूर्वक विचारू इच्छितो की, यापूर्वीही मी थकीत रक्कम देण्याची तयारी दर्शवलेली असताना संबंधित रक्कम स्वीकारण्याचे बँकांना का निर्देश देत नाहीत?, असा प्रश्न मल्ल्यानं पंतप्रधान मोदींना विचारला आहे.  शिवाय, किंगफिशरला दिलेल्या कर्जाची वसुली केल्याचे श्रेय ते घेऊ शकतात असेही मल्ल्याने टि्वटमध्ये म्हटलंय.

पुढे त्यानं असंही सांगितले की, कर्जफेडीसंदर्भात मी कर्नाटक उच्च न्यायालयात अर्ज दाखल केला होता. दुर्लक्ष करुन हा अर्ज फेटाळला जाऊ शकत नाही. किंगफिशर एअरलाईन्सला दिलेले पैसे बँकांनी का घेतले नाहीत? असा प्रश्नही मल्ल्याने उपस्थित केला आहे. 
 
मी संपत्ती लपवून ठेवल्याचा दावा ईडीने केला आहे. ईडीने केलेला हा दावा त्रासदायक आहे. जर संपत्ती लपवून ठेवली असती तर, जवळपास 14,000 कोटी रुपयांच्या मालमत्तेबाबतची माहिती मी सार्वजनिकरित्या कोर्टासमोर कशी मांडली?, असंही मल्ल्यानं ट्विट केले आहे. 

The Prime Ministers last speech in Parliament was brought to my attention. He certainly is a very eloquent speaker. I noticed that he referred to an unnamed person who “ran away” with 9000 crores. Given the media narrative I can only infer that reference is to me.

— Vijay Mallya (@TheVijayMallya) February 14, 2019

दरम्यान,  भारतातील बँकांचे तब्बल 9 हजार कोटींचे कर्ज थकवून ब्रिटनमध्ये पसार झालेल्या विजय मल्ल्याच्या प्रत्यार्पण करारावर ब्रिटनच्या गृह सचिवांनी स्वाक्षरी केली आहे. मात्र, मल्ल्याने भारतात येण्यास नकार दिला आहे. शिवाय, आपण कोर्टाच्या या निर्णयाविरुद्ध अपील करण्याची प्रकिया सुरू केल्याचेही त्याने सांगितले.  

Following on from my earlier tweet, I respectfully ask why the Prime Minister is not instructing his Banks to take the money I have put on the table so he can at least claim credit for full recovery of public funds lent to Kingfisher.

— Vijay Mallya (@TheVijayMallya) February 14, 2019

I have made the offer to settle before the Hon’Ble High Court Court of Karnataka. This cannot be dismissed as frivolous. It is a perfectly tangible, sincere, honest and readily achievable offer. The shoe is on the other foot now. Why don’t the Banks take the money lent to KFA ?

— Vijay Mallya (@TheVijayMallya) February 14, 2019

Am appalled to say the least at the media reports on the Enforcement Directorate claims that I hid my wealth ! If there was hidden wealth how could I put approximately 14,000 crores worth of assets openly in front of Court ? Shameful misleading of public opinion but unsurprising.

— Vijay Mallya (@TheVijayMallya) February 14, 2019