नव-याच्या साडीला कंटाळून पत्नीचा घटस्फोटासाठी अर्ज
By admin | Published: December 27, 2016 01:17 PM2016-12-27T13:17:42+5:302016-12-27T13:53:57+5:30
आपल्या पतीच्या बाईसारख्या वागण्याला आपण कंटाळलो असल्याचं सांगत एका महिलेने घटस्फोटासाठी अर्ज केला आहे
नव-याच्या साडीला कंटाळून पत्नीचा घटस्फोटासाठी अर्ज
Next
बंगळुरु, दि. 27 - आपल्या पतीच्या बाईसारख्या वागण्याला आपण कंटाळलो असल्याचं सांगत एका महिलेने पोलिसांत तक्रार केली आहे. तसंच त्याच्यापासून घटस्फोट घेण्याचीही मागणी केली आहे. महिलेच्या पतीला ट्रान्सवेस्टिव्ह (विरुध्द लिंगी व्यक्तीचे कपडे अंगावर घालण्याची विकृत इच्छा असणारी व्यक्ती) असल्याने आपण आता वैतागलो असल्याचं सांगत महिलेने वर्षभराचा संसार मोडण्याचा निर्णय घेतला आहे.
'त्यांना साडी नेसायला आवडतं. इतकंच नाही तर रोज रात्री ते माझा मेकअप आणि ज्लेलरी वापरतात', असं अनिता (बदललेलं नाव) सांगितलं आहे. अनिता एका सॉफ्टवेअर कंपनीत कामाला आहे. 'आमच्या लग्नाला एक वर्ष झालं आहे, पण आजपर्यंत त्यांनी कधीच शरिरसुख दिलं नाही. ते नामर्द असून त्यांना बाईसारखं वागायला आवडतं', असं अनिताने सांगितलं आहे.
'अनिताचं लग्न घरच्यांनी ठरवलं होतं. पण पहिल्या रात्रीपासून त्याने बाईसारखं वागायला सुरुवात केली होती. त्याला प्रत्येक रात्री साडी नेसायची असते', असं वनिता सहयवानीच्या वरिष्ठ सल्लागार सरस्वती यांनी सांगितलं आहे. या दांपत्याचं सध्या समुदेशन सुरु आहे.
'जन्मजात दोष असल्याने आणि नामर्द असल्याने आमचं लग्न परिपूर्ण नाही. हे बाईसारखं वागतात. दर दिवशी कामाला जातात आणि घरी आल्यावर साडी नेसतात', अशी माहती अनिताने दिली आहे. घटस्फोट देण्यासाठी तिच्या पतीनेही तयारी दर्शवली आहे.
