दोन मुलांची आई असलेली महिला शिपाई पडली इन्स्पेक्टरच्या प्रेमात, पतीने केली तक्रार, म्हणाला...

Extra Marital Affair: बिहारमधील कटिहार येथून एक धक्कादायक प्रकार समोर आला आहे. येथे एका व्यक्तीने त्याच्या पोलीस शिपाई असलेल्या पत्नीचे पोलीस इन्स्पेक्टरसोबत विवाहबाह्य संबंध असल्याचा आरोप केला आहे.

बिहारमधील कटिहार येथून एक धक्कादायक प्रकार समोर आला आहे. येथे एका व्यक्तीने त्याच्या पोलीस शिपाई असलेल्या पत्नीचे पोलीस इन्स्पेक्टरसोबत विवाहबाह्य संबंध असल्याचा आरोप केला आहे. या प्रकरणी या व्यक्तीने कटिहारच्या पोलीस अधीक्षकांना एक निवेदन दिले आहे. तसेच कारवाईची मागणी केली आहे. तक्रारकर्त्या पतीचा पाच वर्षांपूर्वी पोलीस शिपाई असलेल्या तरुणीसोबत विवाह झाला होता. त्यांना दोन मुलेही आहेत. आता या प्रकरणी पोलीस अधीक्षकांनी चौकशीचे आदेश दिले आहेत.

मिळालेल्या माहितीनुसार कटिहार जिल्ह्यातील कोढा पोलीस ठाण्याच्या हद्दीत राहणाऱ्या महिला शिपायाचा पती धीरज कुमार सिंह हा खासगी नोकरी करतो. त्याने आरोप केला की, त्याची पत्नी कोलासी पोलीस चौकीच्या डायल ११२ नंबर पोलीस गाडीवर शिपाई म्हणून तैनात आहे. तिचे कोलासी पोलीस चौकीचे प्रभारी विकास कुमार याच्याशी विवाहबाह्य संबंध आहेत. तसेच त्याचे अनेक पुरावे आपल्याकडे आहेत, असा दावाही त्याने केला आहे.

पोलीस अधीक्षकांना दिलेल्या अर्जामध्ये धीरज याने सांगितले की, मला माझ्या पत्नीच्या मोबाईलमध्ये इन्स्टाग्राममध्ये पोलीस चौकीचे प्रभारी विकास कुमार याच्याशी केलेलं अश्लील चॅट मिळालं आहे. तसेच पत्नी आता माझ्याशी व्यवस्थित बोलतही नाही. संधी मिळेल तेव्हा मला दरडावत राहते. तसेच आपल्या मर्जीप्रमाणे वागते, असी तक्रार त्याने केली.

मात्र पतीने केलेल्या आरोपांवर पोलीस शिपाई असलेली पत्नी खुशबू प्रिया हिने अद्याप कुठलीही प्रतिक्रिया दिलेली नाही. तसेच ती काही दिवस सुट्टीवर असल्याचे समोर येत आहे. दरम्यान, या प्रकरणी कोलासी पोलीस चौकीतील प्रभारी विकास कुमार याचीही कुठलीही प्रतिक्रिया समोर आलेली नाही. याबाबत कटिहारचे पोलीस अधिक्षक जितेंद्र कुमार यांनी चौकशीचे आदेश दिले आहेत. तसेच चौकशी पूर्ण झाल्यानंतरच पुढील कारवाई केली जाईल, असे सांगितले आहे.