नवरा, 2 मुलांना सोडून प्रियकरासह परदेशात पळून गेली; सीमा-अंजूनंतर आता दीपिकाची चर्चा
By ऑनलाइन लोकमत | Published: August 15, 2023 10:55 AM2023-08-15T10:55:26+5:302023-08-15T10:56:05+5:30
दीपिका आपल्या मुलांना सोडून प्रियकरासह परदेशात पळून गेल्याचे सांगण्यात येत आहे. सध्या दीपिकाच्या पतीने पोलिसांत तक्रार दाखल केली आहे.
फोटो - आजतक
Next सीमा हैदर आणि अंजू यांच्यानंतर आता राजस्थानच्या डुंगरपूर जिल्ह्यातील दीपिकाचे नाव चर्चेत आहे. दीपिका आपल्या मुलांना सोडून प्रियकरासह परदेशात पळून गेल्याचे सांगण्यात येत आहे. सध्या दीपिकाच्या पतीने पोलिसांत तक्रार दाखल केली आहे. तपास सुरू आहे, मात्र अद्याप दीपिकाचा कोणताही पत्ता लागलेला नाही.
डुंगरपूर जिल्ह्यातील भैमई गावाती ही घटना घडली आहे. 10 जुलै रोजी एक महिला घरातून न सांगता दुसऱ्या समाजातील तरुणासोबत परदेशात गेली. महिलेला दोन मुलं आहेत. एक मुलगी 11 वर्षांची आहे तर मुलगा 7 वर्षांचा आहे. पत्नी घरातून अचानक बेपत्ता झाल्यानंतर पतीने चितरी पोलीस ठाण्यात गुन्हा दाखल केला. मात्र आजपर्यंत तिचा शोध लागलेला नाही. त्यामुळे संतप्त लोकांनी एसपी कार्यालयाला घेराव घातला.
महिला दोन मुलांसह गावात राहत होती तर तिचा नवरा मुंबईत कामाला होता. पतीच्या अनुपस्थितीत महिला अनेकदा गुजरात आणि उदयपूर येथे उपचारासाठी जात होती. 10 जुलै रोजीही ती आजारी असल्याचे सांगत उपचारासाठी गुजरातला गेली होती, मात्र 13 जुलैपर्यंत ती परतली नाही.
पत्नीने पतीला व्हॉट्सएपवर कॉल करून सांगितले, "तू माझ्यामुळे दु:खी राहायचास म्हणून मी तुझ्यापासून दूर आले आहे..." हे ऐकून नवऱ्याला धक्काच बसला. मुंबईहून घाईघाईने घरी आल्यावर पत्नी बेपत्ता असल्याचे दिसले. घराची तपासणी केली असता लाखोंचे दागिने आणि रोकडही गायब होती. त्यानंतर पतीने पोलीस ठाण्यात पत्नी बेपत्ता झाल्याची तक्रार दाखल केली. ज्यांची चौकशी अद्याप सुरू आहे.
या प्रकरणी चितरी पोलीस स्टेशनचे अधिकारी गोविंद सिंह यांनी दिलेल्या माहितीनुसार, "मुकेश पाटीदार यांनी रिपोर्टमध्ये सांगितले आहे की, त्याची पत्नी दीपिका हिने 7 जुलै 2023 रोजी घरून उपचाराच्या नावाखाली गुजरातला जात असल्याचं सांगितलं आहे. तेथून पत्नी बेपत्ता झाली. आम्ही तपास करत आहोत."
दरम्यान, महिलेचे काही फोटो समोर आले आहेत ज्यात ती एका तरुणासोबत बुरखा परिधान केलेली दिसत आहे. तर दुसऱ्या फोटोत ती साडीत दिसत आहे. या घटनेबद्दल लोक वेगवेगळ्या गोष्टी बोलत आहेत. महिला कुवेतला गेल्याची चर्चाही आता समोर येत आहे. एका हिंदी वेबसाईटने याबाबतचे वृत्त दिले आहे.