लग्न झालं पण पत्नीला दाढी-मिशी आलेलं पतीनं पाहिलं अन् पुढे जे घडलं ते...

एकेकाळी सामान्य स्त्री सारख्या दिसणाऱ्या मनदीपच्या चेहऱ्यावर लग्नानंतर केस वाढले.

आपल्या समाजात कोणालाही त्याच्या दिसण्यावरून पारखण्याची सवय आहे. माणूस कसा आहे यासाठी स्वभाव, वागणूक आणि अशा गोष्टी बघितल्या जात नाहीत, तर बहुतेक लोक फक्त माणसाचा चेहरा पाहून ठरवतात की तो कसा असेल. अशीच एक घटना आता समोर आली आहे. पंजाबमध्ये राहणाऱ्या मनदीप कौरसोबत असाच प्रकार घडला. 

एकेकाळी सामान्य स्त्री सारख्या दिसणाऱ्या मनदीपच्या चेहऱ्यावर लग्नानंतर केस वाढले. पुरुषांसारखी दाढी-मिशी पाहून मनदीपच्या पतीने तिला घटस्फोट दिला. मिररच्या रिपोर्टनुसार, 2012 मध्ये मनदीपने लग्न केले होते आणि काही वर्षे आनंदी जीवन जगले. जेव्हा तिच्या चेहऱ्यावर आणि हनुवटीवर केस वाढू लागले तेव्हा समस्या निर्माण झाली. या घटनेनंतर मनदीपच्या पतीने तिला घटस्फोट दिला आणि मनदीप डिप्रेशनमध्ये गेली. 

निराश मनदीप गुरुद्वारामध्ये जाऊ लागली आणि येथूनच तिला आपलं शरीर जसं आहे तसं स्वीकारण्याची प्रेरणा मिळाली. तिने चेहऱ्यावरील केस काढणे बंद केले ती मोटरसायकल चालवते आणि तिच्या कमकुवतपणाला आता स्टाईल बनवली आहे. ती तिच्या भावांना शेतीत मदत करते.

आत्मविश्वासाने जीवन जगत आहे. मनदीपप्रमाणेच इंग्लंडमधील रहिवासी असलेल्या हरनाम कौरनेही चेहऱ्याचे केस काढणे बंद केले आणि दाढी आणि मिशा घेऊन आत्मविश्वासाने जगते. एका हिंदी वेबसाईटने याबाबतचे वृत्त दिले आहे.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"