तरुणीला फोटोवरून ट्रोल केले, शशी थरूर भडकले

Shashi Tharoor : एका  तरुणीला ट्विटरवर काँग्रेस खासदार शशी थरूर यांच्यासोबतचा फोटो शेअर केल्यामुळे प्रचंड ट्रोल करण्यात आले. भाषेची मर्यादा विसरून ट्रोलर्सनी फोटोवर इतक्या वाईट कमेंट केल्या की, एक पोस्ट लिहून अखेर तिने फोटो डिलीट केला.

एका  तरुणीला ट्विटरवर काँग्रेस खासदार शशी थरूर यांच्यासोबतचा फोटो शेअर केल्यामुळे प्रचंड ट्रोल करण्यात आले. भाषेची मर्यादा विसरून ट्रोलर्सनी फोटोवर इतक्या वाईट कमेंट केल्या की, एक पोस्ट लिहून अखेर तिने फोटो डिलीट केला. ‘शशी थरूर सरांसोबतच्या माझ्या फोटोचा उजव्या विचारसरणीचे लोक कसा गैरवापर करत आहेत हे पाहून वाईट वाटते. हे लोक राजकीय फायद्यासाठी चुकीच्या गोष्टी पसरवत आहेत. मला निमंत्रित केलेल्या एका साहित्य संमेलनात गेली होती. त्यावेळी इतरांप्रमाणे मीदेखील महान लेखकासोबत फोटो क्लिक केले. परंतु लोकांनी फोटोवर घाणेरड्या कथा बनवण्यास सुरुवात केली आहे. मी सर्व फोटो डिलीट केलेत, कृपया ज्यांनी फोटो वापरलाय त्यांनीही तो डिलीट करावा अशी विनंती करते’, असे तिने म्हटले. त्यावर शशी थरूर यांनीही रिप्लाय दिला आणि ट्रोलर्सना चांगलेच फटकारले. ‘तुम्ही एका खऱ्याखुऱ्या व्यक्तीसोबत गैरवर्तन करताय हे ट्रोलर्सना समजायला हवे, एका फोटोसाठी या तरुण मुलीला इतके सहन करावे लागतेय... त्या कार्यक्रमात मी ५० पेक्षा जास्त लोकांसह फोटो काढले असतील... तुमची आजारी मानसिकता तुमच्याकडेच ठेवा’, असे म्हणत त्यांनी संताप व्यक्त केला. त्यांचे उत्तर नेटकऱ्यांच्या पसंतीस पडले असून त्याखाली सोशल मीडियावर लोक इतके निर्दयी कसे होतात यावरून अनेक जण चर्चा करत आहेत.