या हँडसम IAS अधिकाऱ्याला तरुणी खुल्लमखुल्ला करताहेत प्रपोज, पाहा कोण आहेत ते?
By ऑनलाइन लोकमत | Published: May 2, 2022 10:55 AM2022-05-02T10:55:34+5:302022-05-02T10:59:08+5:30
IAS Athar Amir Khan: आयएएस अथर आमिर खान हे सोशल मीडियावर खूप लोकप्रिय आहेत. ते त्यांच्या इन्स्टाग्राम आणि फेसबूक पेजवर नेहमी आपले फोटो शेअर करत असतात. हल्लीच त्यांनी आपला एक फोटो इन्स्टाग्रामवर शेअर केला होता. त्यावर एका तरुणीने कमेंट करून त्यांच्यासोबत विवाह करण्याची इच्छा व्यक्त केली.
या हँडसम IAS अधिकाऱ्याला तरुणी खुल्लमखुल्ला करताहेत प्रपोज, पाहा कोण आहेत ते?
Next नवी दिल्ली - आयएएस अथर आमिर खान हे सोशल मीडियावर खूप लोकप्रिय आहेत. ते त्यांच्या इन्स्टाग्राम आणि फेसबूक पेजवर नेहमी आपले फोटो शेअर करत असतात. हल्लीच त्यांनी आपला एक फोटो इन्स्टाग्रामवर शेअर केला होता. त्यावर एका तरुणीने कमेंट करून त्यांच्यासोबत विवाह करण्याची इच्छा व्यक्त केली. या तरुणीच्या कमेंटवर काही युझर्सनी तिला ट्रोल केले. त्यानंतर या तरुणीनेही प्रतिक्रिया देण्यास सुरुवात केली.
३० वर्षांचे आयएएस अधिकारी अतहर अमीर यांनी आपले जे फोटो शेअर केले आहेत. त्यामध्ये ते एका रेस्टॉरंटमध्ये कॉफी पिताना दिसत आहेत. त्यांच्या फोटोवर Syednaziaashraf नावाच्या एका युझरने कमेंट करून सांगितले की, मी या व्यक्तीसोबत लग्न करू इच्छिते. त्यानंतर युझर तिला ट्रोल करू लागले. मात्र ती तरुणी एकटी नव्हती. तिच्यासारख्याच अनेकींनी या फोटोवर आपलं प्रेम व्यक्त केलं होतं.
त्यानंतर ट्रोलर्सला उत्तर देताना Syednaziaashraf ने लिहिले की, मला नाही माहिती की, लोकांना काय झालंय आणि का ते तुमच्यासोबत मतलबीपणे वागतात. भावना व्यक्त करण्यात काहीच चुकीचे नाही आहे. ते आपली मानसिकता बदलतील, अशी मला अपेक्षा आहे. जर लोकांकडे बोलण्यासाठी काही चांगलं नसेल तर त्यांनी अजिबात बोलता कामा नये.
इन्स्टाग्रामवर आयएएस अतहर आमिर खान यांचा फोटो ९० हजार हून अधिक लोकांनी लाईक केला आहे. तसेच हजारो युझर्सनी कमेंट केली आहे. एका युःझरने लिहिले की, सर कुणासोबत डेटवर आहात. तर एका अन्य युझरने Most hanssome IAS in India असी कमेंट केली आहे.
यूपीएससीच्या २०१५ च्या परीक्षेत संपूर्ण देशातून दुसरा क्रमांक पटकावणारे अतहर आमिर सध्या श्रीनगरमध्ये पोस्टिंगवर आहेत. अतहर हे श्रीनगरच्या महानगरपालिकेचे कमिश्नर आणि श्रीनगर स्मार्ट सिटी लिमिटेडचे सीईओ आहेत. त्यांचे इन्स्टाग्रामवर सुमारे ६ लाख फॉलोअर्स आहेत. तर फेसबूकवर दीड लाखांहून अधिक लोक त्यांना फॉलो करतात. ते त्यांच्या लुकमुळे अनेकदा चर्चेत राहिले आहेत.
अतहर आमीर यांचा विवाह यूपीएससीमधील टॉपर आयएएस टीना डाबी हिच्याशी झाला होता. मात्र हा विवाह फार काळ टिकला नाही. त्यानंतर परस्पर सहमतीने घटस्फोट घेतला. त्यानंतर टीना डाबी यांनी हल्लीच आयएएस प्रदीप गवांडे यांच्याशी विवाह केला आहे.