युवराज हा सिंह, तो अंमली पदार्थ घेत नाही
By admin | Published: November 3, 2016 05:09 PM2016-11-03T17:09:24+5:302016-11-03T17:09:24+5:30
युवराजच्या भावाची पत्नी आकांक्षा शर्माने युवीबाबत खळबळजनक वक्तव्य करत त्याला अंमली पदार्थांच्या सेवनाचे व्यसन होते असं म्हटलं होतं.
युवराज हा सिंह, तो अंमली पदार्थ घेत नाही
Next
मुंबई, दि. 3 - भारताचा धडाकेबाज क्रिकेटपटू युवराज सिंग अंमली पदार्थांचे सेवन करायचा हे आरोप युवीचे वडील आणि माजी क्रिकेटपटू योगराज सिंग यांनी फेटाळले आहेत. युवराजच्या भावाची पत्नी आकांक्षा शर्माने युवीबाबत खळबळजनक वक्तव्य करत त्याला अंमली पदार्थांच्या सेवनाचे व्यसन होते असं म्हटलं होतं.
डेक्कन क्रोनिकलसोबत बोलताना योगराज म्हणाले, युवराजवर लावलेले आरोप म्हणजे मुर्खपणाची बडबड आहे. आरोप करणा-या महिलेने स्वतःचे घर सांभाळावे, तिच्या आरोपांमुळे युवराजच्या भारतीय संघामध्ये पुनरागमान करण्यावर कोणताही परिणाम होणार नाही असंही योगराज म्हणाले. युवराज सिंग हा सिंह आहे तो अंमली पदार्थाचे सेवन करत नाही असं म्हणत त्यांनी आकांक्षा शर्माचे आरोप फेटाळले.
आकांक्षा ही युवराजचा भाऊ झोरावर सिंगची पत्नी होती नुकतेच ते एकमेकांपासून वेगळे झाले. त्यानंतर ती बिग बॉस या कलर्स टीव्हीच्या शोमध्ये दिसली होती. या शोमधून बाहेर पडल्यावर झालेल्या एका इंटरव्यूमध्ये तिने एका पार्टीतून रात्री उशीरा घरी परतल्यावर मी, युवराज आणि झोरावरसोबत गांजा प्यायली होती असं म्हणाली होती.
त्यावर बोलताना योगराज म्हणाले, मी 4 मुलांचा बाप आहे, केवळ युवराजच नाही माझा कोणताच मुलगा असले काही व्यसन करत नाहीत ते सिंहासारखे जगतात.
