Asian Games 2023 : इतिहास घडला! चौघांची कमाल, भारताला ४० वर्षांनंतर जिंकून दिलं सुवर्ण

Asian Games 2023 : आशियाई स्पर्धा २०२३ मध्ये भारताने तिसरे सुवर्णपदक निश्चित केलं. नेमबाजांनी मंगळवारी 10 मीटर एअर रायफल सांघिक गटात आणि महिला क्रिकेट संघाने सुवर्णपदक जिंकले होते. त्यानंतर आज घोडेस्वारांनी सांघिक गटाचे सुवर्ण नावावर केले. मागील 40 वर्षांत भारताने प्रथमच या क्रीडा प्रकारात सुवर्णपदक जिंकले आहे. भारताच्या संघात अनुष अगरवाल, सुदीप्ती हजेला, हृदय विपूल छेडा आणि दिव्याकृती सिंग यांचा समावेश होता. या चौघांनी मिळून सर्वाधिक 209.205 गुणांची कमाई केली.  अनुष आणि हृदय यांनी अनुक्रमे 71.088 आणि 69.941 गुणांसह वैयक्तिक गटात अनुक्रमे रौप्यपदक व कांस्यपदकही जिंकले. 1982 मध्ये दिल्ली येथे झालेल्या आशियाई स्पर्धेत भारताने या क्रीडा प्रकारात सांघिक गटाचे सुवर्ण जिंकले होते. 

भारताने सेलिंगमध्ये दोन पदकांची कमाई केली.  १७ वर्षीय नेहा ठाकूरने मुलींच्या Dinghy - ILCA4 प्रकारात रौप्यपदक जिंकले.  त्यानंतर इबाद अलीने ( Eabad Ali) पुरुषांच्या Windsurfer RS:X गटात कांस्यपदक जिंकले. त्याला तीन फेरींमध्ये अपयश आले होते, परंतु त्याने पुनरागमन केले अन् ५७ गुणांसह तिसरे स्थान पटकावून कांस्यपदक निश्चित केले.   

🐎 𝗛𝗜𝗦𝗧𝗢𝗥𝗬 𝗖𝗥𝗘𝗔𝗧𝗘𝗗! The Dressage team etch their names in the history book as they become India's first gold-medalists
since 1982 in Equestrian.

👏 Congratulations are in order to Sudipti Hajela, Divyakriti Singh, Hriday Vipul Chheda, and Anush Agarwalla.

➡️… pic.twitter.com/CKFjrk1swp

— Team India at the Asian Games 🇮🇳 (@sportwalkmedia) September 26, 2023

भारतीय पुरूष मेडली रिले संघाने ४ बाय १०० मीटर स्पर्धेत ३:४०.८४ सेकंदाची वेळ नोंदवून नवा राष्ट्रीय विक्रम केला. यापूर्वी २०१८मध्ये ३:४४.९४ सेकंदाचा राष्ट्रीय विक्रम होता. आता भारतीय संघ फायनलमध्ये पदकासाठी खेळणार आहे. तलवारबाजीत भारताच्या भवानी देवीला उपांत्यपूर्व फेरीत चीनच्या शाओ याकीकडून १५-७ अशी हार मानावी लागली. भारताचे एक पदक गेले. भवानीने आज उल्लेखनीय कामगिरी करून इथपर्यंत मजल मारली होती, परंतु तिला पदकाने हुलकावणी दिली. या सामन्यात रेफरीने तिच्या विरोधात निकाल दिल्याचा आरोप भवानीने केला.