महिला हॉकीमध्येही आॅस्ट्रेलियाला सुवर्ण

आॅस्ट्रेलियाने इंग्लंडचा पेनल्टी शूटआउटमध्ये ३-१ ने पराभव करीत राष्ट्रकुल स्पर्धेत महिला हॉकीमध्ये सलग चौथ्यांदा सुवर्णपदकाचा मान मिळविला

ग्लास्गो : आॅस्ट्रेलियाने इंग्लंडचा पेनल्टी शूटआउटमध्ये ३-१ ने पराभव करीत राष्ट्रकुल स्पर्धेत महिला हॉकीमध्ये सलग चौथ्यांदा सुवर्णपदकाचा मान मिळविला. सामना संपायला ११ सेकंद शिल्लक होते, तोपर्यंत इंग्लंड संघ १-० ने आघाडीवर होता; पण त्यानंतर आॅस्ट्रेलियाच्या जोडी केनीने पेनल्टी कॉर्नरवर गोल नोंदवीत संघाला बरोबरी साधून दिली. निर्धारित वेळेत उभय संघांदरम्यान १-१ अशी बरोबरी होती. त्यामुळे पेनल्टी शूटआउटचा आधार घेण्यात आला. त्यात आॅस्ट्रेलियाने बाजी मारली.
(वृत्तसंस्था)