ऑस्ट्रेलियन ओपन - शारापोव्हाला नमवून सेरेनाची सेमी फायनलमध्ये धडक

टेनिस जगाची सम्राज्ञी सेरेना विल्यम्सने रशियाच्या मारिया शारापोव्हाला नमवून ऑस्ट्रेलियन ओपनच्या सेमी फायनलमध्ये धडक मारली

ऑनलाइन लोकमत

सिडनी, दि. २६ - टेनिस जगाची सम्राज्ञी सेरेना विल्यम्सने रशियाच्या मारिया शारापोव्हाला नमवून ऑस्ट्रेलियन ओपनच्या सेमी फायनलमध्ये धडक मारली आहे. सेरेनाने मारियाचा ६-४, ६-१ अशा सरळ सेट्समध्ये पराभव करत सामना जिंकला. या विजयामुळे सेरेना सातव्यांदा ऑस्ट्रेलियन ओपनच्या सेमीफायनलमध्ये पोहोचली आहे.

'मारिया ही अत्यंत फोकस्ड खेळाडू असून तिने आत्तापर्यंत कित्येकवेळेस उत्तम खेळ करत अनेक ग्रँड स्लॅम स्पर्धा जिंकल्या आहेत. आजच्या विजयासाठी मलाही खूप मेहनत करावी लागली' अशा शब्दांत सेरेनाने तिची प्रतिस्पर्धी मारियाचे कौतुक केले.

 

दरम्यान  सेरेना- मारिया या दोघी एकमेकांविरोधात २१ वेळा खेळल्या असून त्यात सेरेनाने १९ तर मारियाने अवघे २ सामने जिंकले आहेत.

Serena improves her head-to-head record over Sharapova to 19-2 with the win... #AusOpen#RenaMashaXXIpic.twitter.com/PAu4IdDiYT

— Australian Open (@AustralianOpen) January 26, 2016