Wrestler Pooja Sihag Husband Death : राष्ट्रकुल स्पर्धेतील पदक विजेत्या पूजा सिहागच्या पतीचा मृत्यू, संदिग्ध अवस्थेत सापडला मृतदेह

Wrestler Pooja Sihag Husband Death : बर्मिंगहॅम येथे नुकत्याच पार पडलेल्या राष्ट्रकुल क्रीडा स्पर्धेत कुस्तीत भारताल कांस्यपदक जिंकून देणाऱ्या पूजा सिहाग हिच्यावर दुःखाचा डोंगर कोसळला. पूजाचे पती अजय नांदल याचा संदिग्ध परिस्थिती मृत्यू झाला. अजय नांदल हेही राष्ट्रीय स्थरावरील कुस्तीपटू होते. अजय नांदलचे मित्र सोनू व रवि यांचीही प्रकृती गंभीर असल्याचे सांगितले जात आहे.

अजय नांदल हे रोहतक गावातील गढी बोहर येथे राहणारे होते. काल सायंकाळी ७ वाजण्याच्या सुमारास माहिती मिळताच पोलीस घटनास्थळी पोहोचले. अजय यांचा मृत्यू नेमका कशामुळे झाले हे अद्याप कळलेले नाही. पण, हाती आलेल्या माहितीनुसार एका गाडीत अजय व त्याचे दोन मित्र जाट कॉलेजजवळ काहीतरी पेय पीत असल्याची माहिती मिळाली आहे. 

कुस्तीपटू पूजा सिहागने राष्ट्रकुल क्रीडा स्पर्धा २०२२मध्ये ७६ किलो वजनी गटात कांस्यपदकाची कमाई केली आहे. तिने कांस्यपदकाच्या लढतीत ऑस्ट्रेलियाच्या नाओमी डी ब्रुएनवर ११-० असा विजय मिळवला होता. मागील वर्षी पूजा व अजय यांचे लग्न झाले होते. अजय हे २०१०पासून कुस्ती शिकत होते. शिवाय ते CISF मध्ये कार्यरत होते. 

राष्ट्रकुल क्रीडा स्पर्धेत भारतीय संघाने २२ सुवर्ण, १६ रौप्य व २३ कांस्यपदकं जिंकून पदकतालिकेत चौथे स्थान पटकावले. ऑस्ट्रेलिया ६७ सुवर्ण, ५७ रौप्य व ५४ कांस्यपदकासह अव्वल स्थानावर राहिली. यजमान इंग्लंडला ५७ सुवर्णपदकांसह दुसऱ्या व कॅनडाल २६ सुवर्णपदकांसह तिसऱ्या क्रमांकावर समाधान मानावे लागले.