Commonwealth Games 2022 : ०.७३ सेकंदाच्या फरकाने हुकलं पदक; हिमा दास, द्युती चंद या जीव तोडून धावल्या, पण... Video 

Commonwealth Games 2022 : राष्ट्रकुल क्रीडा स्पर्धेत रविवारी बॉक्सर्सनी सुवर्ण'पंच'लगावला. नितू व अमित पांघल यांनी सुवर्णपदक पटकावल्यानंतर अ‍ॅथलेटिक्समध्ये पदकांचा पाऊस पडला. पुरुषांच्या तिहेरी उडीत एलडोस पॉल व अब्दुल्ला अबूबाकेर यांनी अनुक्रमे सुवर्ण व रौप्यपदक पटकावले. पुरुषांच्या १०००० मीटर चालण्याच्या शर्यतीत संदीप कुमारने ( Sandeep Kumar) सर्वोत्तम वैयक्तिक कामगिरीची नोंद करून कांस्यपदक जिंकले. त्यात महिलांच्या भालाफेकीत अन्नू राणीने कांस्यपदक जिंकले. त्यानंतर ४ बाय ४०० मीटर रिलेच्या अंतिम फेरीत हिमा दास व दृती चंद यांच्या टीमवर लक्ष होते.

जय है, जय है, जय जय जय है 🇮🇳#IndianAthletics Medals #CWG22

G🥇1 - S🥈4 - B🥉3 Total-8

Gold-Eldhose Paul-TJ
Silver-Abdulla Aboobacker-TJ
Silver-Sreeshankar-LJ
Silver-Priyanka-10000m RW
Silver-Avinash-3000mSC
Bronze-Tejaswin-HJ
Bronze-Sandeep-10000m RW
Bronze-Annu Rani-JT pic.twitter.com/RKvlJlBf4s

— Athletics Federation of India (@afiindia) August 7, 2022

#Women's Javelin Throw महिलांच्या भालाफेकीत उत्तरप्रदेशच्या अन्नू राणीने कांस्यपदकाची कमाई केली. तिने चौथ्या प्रयत्नात ६० मीटर फेकलेला भाला हा पदकासाठी पुरेसा ठरला. जागतिक अजिंक्यपद स्पर्धेच्या ( २०१९ दोहा) अंतिम फेरीत पात्र ठरणारी ती भारताची पहिली महिला भालाफेकपटू ठरली होती. 

#Men's 10,000m Race Walk Final पुरुषांच्या अंतिम सामन्यात संदीप कुमार ( Sandeep Kumar) याने  38:49.21 मिनिटे अशी वेळ नोंदवून कांस्यपदक जिंकले.

#Triple Jump  अॅथलेटिक्समध्ये पुरुषांच्या तिहेरी उडीत एलडोस पॉल व अब्दुल्ला अबूबाकेर यांनी अनुक्रमे सुवर्ण व रौप्यपदक निश्चित केले. पॉलने १७.०३ मीटर, तर अब्दुल्लाने १७.०२ मीटर लांब तिहेरी उडी मारली.  

#Women's 4 x 100m Relay फायनलमध्ये दृती चंद, हिमा दास, सराबनी नंदा व ज्योती याराजी यांच्याकडून पदकाच्या अपेक्षा होत्या. पण, शर्थीचे प्रयत्न करूनही या संघाला ४३.८१ सेकंदाच्या वेळेसह पाचव्या क्रमांकावर समाधान मानावे लागले. नायजेरियाने ४२.१० सेकंदासह सुवर्ण, इंग्लंडने ४२.४१ सेकंदासह रौप्य व जमैकाने ४३.०८ सेकंदासह कांस्यपदक जिंकले.

#Indian Women's 4*100m relay team of Dutee-Hima-Srabani-Jyothi clock 43.81s to finish 5th, well done team 🇮🇳 Great Effort 🫡 @birminghamcg22#CommonwealthGames2022#IndianAthleticspic.twitter.com/wivFKtQMwC

— Athletics Federation of India (@afiindia) August 7, 2022