Commonwealth Games 2022 : अचंथा शरथ कमलचे विक्रमी ११ वे पदक; टेबल टेनिसमध्ये लिहिला इतिहास 

भारताने रविवारी राष्ट्रकुल क्रीडा स्पर्धेत बॉक्सिंगमध्ये तीन सुवर्ण, तिहेरी उडीत सुवर्ण व रौप्य, १०००० मीटर चालण्याच्या शर्यतीत कांस्य, महिलांच्या भालाफेकीत कांस्य आणि महिला हॉकीत कांस्य अशी ८ पदकांची कमाई केली होती.

Commonwealth Games 2022 Table Tennis : पुरुष दुहेरीच्या अंतिम सामन्यात अचंथा शरथ कमल व साथियन ज्ञानसेकरन ( ACHANTA Sharath Kamal / GNANASEKARAN Sathiyan) या जोडीने विक्रमी पदक जिंकले. भारताने रविवारी राष्ट्रकुल क्रीडा स्पर्धेत बॉक्सिंगमध्ये तीन सुवर्ण, तिहेरी उडीत सुवर्ण व रौप्य, १०००० मीटर चालण्याच्या शर्यतीत कांस्य, महिलांच्या भालाफेकीत कांस्य आणि महिला हॉकीत कांस्य अशी ८ पदकांची कमाई केली होती. त्यात टेबल टेनिसच्या पदकाची भर पडली. शरथ कमल व साथियन यांना या पदकासाठी संघर्ष करावा लागला. 

As Indian athletes show impeccably remarkable performance in #CommonwealthGames2022, India is among the top 5 countries at 4th position in the medal tally with a total of 48 medals so far including 17 gold, 12 silver and 19 bronze pic.twitter.com/QmHlfBbQIo

— ANI (@ANI) August 7, 2022

इंग्लंडच्या पॉल ड्रिंकहॉल व लिएम पिचफोर्ड यांनी कडवी टक्कर दिली. भारतीय जोडीने पहिला गेम ११-८ असा जिंकला, परंतु इंग्लंडच्या खेळाडूंनी पुढील दोन गेम ११-८ व ११-३ असे जिंकून सामन्यात २-१ अशी आघाडी घेतली. त्यामुळे चौथा गेम निर्णायक होता आणि त्यात भारतीय जोडीने झोकून खेळ केला. हा गेम ११-७ असा जिंकून भारताने लढत २-२ अशी बरोबरीत आणली. पाचव्या गेममध्ये ३-३ अशा बरोबरीनंतर इंग्लंडच्या खेळाडूंनी ८-४ अशी आघाडी घेतली. इंग्लंडच्या जोडीने ११-४ असा विजय मिळवून सुवर्णपदक नावावर केले. भारतीय जोडीला रौप्यपदकावर समाधान मानावे लागले. 

🏓🔝 𝗦𝗜𝗟𝗩𝗘𝗥 𝗙𝗢𝗥 𝗧𝗛𝗘 𝗕𝗢𝗬𝗦! It's back-to-back 🥈 at the Commonwealth Games for the Indian Men's Doubles team.

🙌🏻 This is Sharath Kamal's 1️⃣1️⃣th medal at the Commonwealth Games!

📸 Getty • #SharathKamal#TableTennis#B2022#CWG2022#TeamIndia#BharatArmypic.twitter.com/DwCBWFvjqK— The Bharat Army (@thebharatarmy) August 7, 2022

SPECTACULAR SILVER 🥈@sharathkamal1 /@sathiyantt put up a spectacular performance in the Gold Medal MD bout and clinch SILVER 🥈 following a 2-3 result against 🏴󠁧󠁢󠁥󠁮󠁧󠁿's Drinkhall / Pitchford

2️⃣nd medal for 🇮🇳 in #TableTennis so far this #CommonwealthGames2022 💪💪#Cheer4Indiapic.twitter.com/aZtVMMLfXm

— SAI Media (@Media_SAI) August 7, 2022

शरथ कमलने आतापर्यंत सहभाग घेतलेल्या प्रत्येक राष्ट्रकुल स्पर्धेत पदकाची कमाई केली आहे. टेबल टेनिस संघातील सर्वात अनुभवी खेळाडू असलेल्या शरथ कमलने आतापर्यंत ५ सुवर्ण, दोन रौप्य व ३ कांस्य अशी एकूण १० पदकांची कमाई केली आहे. २००६मध्ये त्याने पुरुष एकेरीत व पुरुष सांघिक गटाचे सुवर्ण जिंकले होते. २०१०मध्ये पुरुष दुहेरीत सुवर्ण, २०१८ व २०२२ मध्ये पुरूष सांघिक गटाचे सुवर्ण त्याच्या नावावर आहे. २०१४ व २०१८मध्ये पुरुष दुहेरीत त्याला रौप्यपदकावर समाधान मानावे लागले होते. २०१०मध्ये पुरुष सांघिक, २०१८मध्ये पुरुष एकेरी व २०१८ मिश्र दुहेरीत कांस्य जिंकले आहे. 

#TableTennis भारताच्या युवा टेबल टेनिसपटू श्रीजा अकुलाला चिवट खेळीनंतर कांस्यपदकाच्या लढतीत हार मानावी लागली. श्रीजाला महिला एकेरीच्या कांस्यपदकाच्या सामन्यात ऑस्ट्रेलियाच्या यांगजी लियूकडून ११-३, ६-११, २-११, ११-७, १३-१५, ११-९, ७-११ असा पराभव पत्करावा लागला.