'दंगल गर्ल' गीता फोगट झाली आई; घरी आला नवा पाहुणा
By ऑनलाइन लोकमत | Published: December 25, 2019 02:00 PM2019-12-25T14:00:04+5:302019-12-25T14:02:08+5:30
गीताने ट्विट केलेल्या फोटोत तिच्यासह पती पवन कुमार आणि त्यांचे बाळ दिसत आहे.
'दंगल गर्ल' गीता फोगट झाली आई; घरी आला नवा पाहुणा
मुंबई : 'दबंग गर्ल' या नावाने प्रसिद्ध असलेली आणि आंतरराष्ट्रीय स्तरावर भारताचा तिरंगा फडकवणारी महिला कुस्तीपटू गीता फोगट आई झाली आहे. आपल्या ट्विटरवरून गीताने ही माहिती शेअर केली आहे.
HELLO BOY !! WELCOME TO THE WORLD 🥰🤗 He is here 🤗 we are so much in love ❤️ 👶🏻 please give him your love and blessings 🙏😇 he made our life perfect now 🙏👪
— geeta phogat (@geeta_phogat) December 24, 2019
Nothing can be described the feelings of watching your own baby be born 😍
Date - 24-12-2019 pic.twitter.com/9KAc3Ew15c
गीताने मंगळवारी एका मुलाला जन्म दिला आहे. गीताने ट्विट केलेल्या फोटोत तिच्यासह पती पवन कुमार आणि त्यांचे बाळ दिसत आहे. ट्विटमध्ये गीताने लिहिले आहे की, " हॅलो बॉय, या विश्वात तुझे स्वागत आहे. तुम्ही आम्हाला प्रेम आणि आशिर्वाद द्या. हा आनंदाचा क्षण मी शब्दांत व्यतित करू शकत नाही."
गीताने २०१० साली झालेल्या राष्ट्रकुल क्रीडा स्पर्धेत भारताला सुवर्ण पदक जिंकवून दिले होते. गीता आणि तिचे वडिल महावीर यांच्या आयुष्यावर दंगल हा सिनेमा आला होता. या सिनेमामध्ये महावीर यांची भूमिका आमिर खानने साकारली होती. या सिनेमानंतर गीता आणि तिच्या कुटुंबियांना जबरदस्त प्रसिद्धी मिळाली.
