वाइल्ड कार्ड एंट्री नाकारल्याने मेरी कोम रिओ ऑलिम्पिकला मुकणार
By admin | Published: July 11, 2016 05:56 PM2016-07-11T17:56:29+5:302016-07-11T17:56:29+5:30
भारताची अव्वल मुष्टियोद्धा मेरी कोमला वाइल्ड कार्ड प्रवेश नाकारल्याने ती रिओ ऑलिम्पिक स्पर्धेत सहभागी होऊ शकणार नाही
वाइल्ड कार्ड एंट्री नाकारल्याने मेरी कोम रिओ ऑलिम्पिकला मुकणार
Next
नवी दिल्ली, दि. २३ - भारताची अव्वल मुष्टियोद्धा मेरी कोमला वाइल्ड कार्ड प्रवेश नाकारल्याने ती रिओ ऑलिम्पिक स्पर्धेत सहभागी होऊ शकणार नाही. तब्बल ५ वेळा जगज्जेतेपदावर नाव कोरणा-या व यापूर्वी ऑलिम्पिक स्पर्धेत ब्राँझपदक जिंकलेल्या मेरी कोमला आंतरराष्ट्रीय ऑलिम्पिक समितीने (आयओए) रिओ ऑलिम्पिकसाठी वाईल्ड कार्ड प्रवेश देण्यास नकार दिल्याने तिचे ऑलिम्पिकमध्ये खेळण्याचे स्वप्न भंगले आहे.
ज्या देशाचे ८ हून अधिक मुष्टियोद्धा ऑलिम्पिकमध्ये सहभागी असतील त्या देशातील अन्य खेळाडूंना वाईल्ड कार्डद्वारे प्रवेश देण्यात येणार नाही असे आयओएने स्पष्ट केले होते. रिओ ऑलिम्पिकमध्ये भारताचे ८ पेक्षा जास्त खेळाडू असत्यामुळे आयओएचा हा (मेरी कॉमला प्रवेश न देण्याचा) निर्णय आम्हाला मान्य करावा लागेल, अशी प्रतिक्रिया मुष्टियुद्ध हंगामी समितीचे अध्यक्ष किशन नरसी यांनी व्यक्त केली.
