धोनीने घेतली सुपरस्टार रजनीकांतची भेट

ट ‘एमएस धोनी- द अनटोल्ड स्टोरी’ या चित्रपटाच्या प्रमोशनसाठी धोनी चेन्नईत गेला

ऑनलाइन लोकमत

मुंबई, दि. 25- भारताच्या एकदिवसीय आणि टी-20 क्रिकेट संघाचा कर्णधार महेंद्रसिंग धोनीने शनिवारी सुपरस्टार रजनीकांत यांची भेट घेतली. एमएस धोनीच्या जीवनावर आधारीत चित्रपट ‘एमएस धोनी- द अनटोल्ड स्टोरी’ हा लवकरच प्रदर्शित होणार आहे. या चित्रपटाच्या  प्रमोशनसाठी धोनी  चेन्नईत गेला होता, त्यावेळी त्याने रजनीकांत यांची भेट घेतली. 

 

रजनीकांत यांच्या घरी दोघांची भेट झाली, यावेळी 'एमएस धोनी- द अनटोल्ड स्टोरी'मध्ये धोनीची भूमिका साकारणारा अभिनाता सुशांत सिंग राजपूत हा देखील उपस्थित होता. रजनीकांतच्या भेटीसीठी फार उत्सूक होतो असं धोनी यावेळई म्हणाला. धोनी हा  सुपरस्टार रजनीकांतचा मोठा चाहता आहे. नीरज पांडे दिग्दर्शीत 'एमएस धोनी- द अनटोल्ड स्टोरी' हा सिनेमा पुढच्या शुक्रवारी प्रदर्शित होणार आहे.