द्रविडशी तुलना करू नका : रहाणे

राहुल द्रविडने माझ्या खेळाचे कौतुक केले त्याबद्दल मी फार आभारी आहे; पण या माजी कर्णधारासोबत माझी तुलनाच होऊ शकत नसल्याची विनम्र प्रतिक्रिया

मुंबई : राहुल द्रविडने माझ्या खेळाचे कौतुक केले त्याबद्दल मी फार आभारी आहे; पण या माजी कर्णधारासोबत माझी तुलनाच होऊ शकत नसल्याची विनम्र प्रतिक्रिया फलंदाज अजिंक्य रहाणे याने व्यक्त केली.
राजस्थान रॉयल्सच्या कार्यक्रमात बोलताना रहाणे म्हणाला,‘राहुलने माझ्या खेळाचे कौतुक केले त्याबद्दल मी आभारी आहे. त्याचे हे कौतुक चांगली कामगिरी करण्यासाठी आणि कठोर मेहनत घेण्यासाठी प्रेरणादायी ठरेल. माझ्या मते सराव ही निरंतर प्रक्रिया आहे. सरावाद्वारे उत्कृष्ट निकाल मिळविता येतो. गेल्या २ वर्षांपासून सरावाचा उत्तम परिणाम मिळतोच आहे.’
राजस्थान रॉयल्सचा मेंटर असलेल्या द्रविडने न्यूझीलंड, इंग्लंड आणि आॅस्ट्रेलियात शतके ठोकणाऱ्या रहाणेचे कौतुक करीत त्याला वर्षभरातील सर्वांत यशस्वी भारतीय कसोटी फलंदाज संबोधले होते. (वृत्तसंस्था)