खेळाडुंसाठी खुशखबर! 'खेलो इंडिया'तील विजेत्यांना मिळणार सरकारी नोकरी, सरकारची घोषणा
By ऑनलाइन लोकमत | Published: March 6, 2024 03:52 PM2024-03-06T15:52:00+5:302024-03-06T15:53:38+5:30
देशातील लोकप्रिय 'खेलो इंडिया' खेळातील विजेत्यांना सरकारी नोकरी देण्याचा निर्णय सरकारने घेतला आहे.
खेळाडुंसाठी खुशखबर! 'खेलो इंडिया'तील विजेत्यांना मिळणार सरकारी नोकरी, सरकारची घोषणा
Khelo India Games: देशभरातील विविध खेळ खेळणाऱ्या खेळाडूंसाठी एक आनंदाची बातमी आहे. केंद्रीय मंत्री अनुराग ठाकूर (Anurag Thakur) यांनी बुधवारी (दि.6) खेलो इंडिया गेम्सच्या (Khelo India Games) खेळाडूंना मोठी भेट दिली. आता खेलो इंडियाचे खेळाडू सरकारी नोकऱ्यांसाठी पात्र असतील, अशी माहिती अनुराग ठाकूर यांनी आपल्या ट्विटद्वारे दिली आहे.
2018 मध्ये पहिल्यांदा खेलो इंडिया गेम्सचे आयोजन करण्यात आले होते. तेव्हापासून या खेळांनी प्रचंड लोकप्रियता मिळवली. आता क्रीडा मंत्री अनुराग ठाकूर यांनी या खेळांच्या निकषांमध्ये मोठा बदल केला आहे. खेलो इंडिया गेम्समध्ये पदक जिंकणारे खेळाडू आता सरकारी नोकरीसाठी पात्र ठरतील. यापूर्वी खेलो इंडिया गेम्सचे खेळाडू सरकारी नोकऱ्यांसाठी पात्र नव्हते, पण सरकारने खेळाडूंना मोठी भेट दिली आहे.
𝗕𝗶𝗴 𝗔𝗻𝗻𝗼𝘂𝗻𝗰𝗲𝗺𝗲𝗻𝘁 𝗳𝗼𝗿 𝗦𝗽𝗼𝗿𝘁𝘀𝗽𝗲𝗿𝘀𝗼𝗻𝘀!
— Anurag Thakur (मोदी का परिवार) (@ianuragthakur) March 6, 2024
In keeping with our Hon'ble PM Shri @narendramodi ji's vision of a robust sports ecosystem, nurturing talent at grassroots level and turning sports into a lucrative and viable career option, Khelo India Athletes…
अनुराग ठाकूर यांनी ट्विटरवर लिहिले की, मला हे जाहीर करताना अतिशय आनंद होत आहे की, कार्मिक आणि प्रशिक्षण विभाग आणि युवा व्यवहार आणि क्रीडा मंत्रालय यांच्याशी चर्चा केल्यानंतर सरकारी नोकऱ्यांचे निकष बदलण्यात आले आहेत. या पाऊलामुळे आता खेलो इंडियाचे पदक विजेते खेळाडू सरकारी नोकऱ्यासांठी पात्र असतील. या सुधारित नियमांमुळे भारत क्रीडा महासत्ता बनवण्याच्या दिशेने पाऊल टाकेल.