Paralympics Opening Ceremony 2024: गोल्डन बॉयसह महाराष्ट्राच्या लेकीच्या हातात तिरंगा; कोण आहेत भारताचे ध्वजवाहक?
By ऑनलाइन लोकमत | Published: August 28, 2024 09:59 AM2024-08-28T09:59:06+5:302024-08-28T10:13:48+5:30
पॅरिसमधील पॅरालिम्पक स्पर्धेच्या उद्घाटन सोहळ्यात हे दोन खेळाडू भारतीय पथकाचे नेतृत्व करताना दिसतील.
Paralympics Opening Ceremony 2024: गोल्डन बॉयसह महाराष्ट्राच्या लेकीच्या हातात तिरंगा; कोण आहेत भारताचे ध्वजवाहक?
पॅरिस ऑलिम्पिक स्पर्धेनंतर आता पॅरालिम्पिक स्पर्धेला सुरुवात होत आहे. वेगवेगळ्या देशाचे खेळाडू या स्पर्धेतून अशक्यप्राय वाटणारी गोष्ट मेहनत अन् जिद्दी बाळगल्यासक क्य करुन दाखवता येते, याची प्रेरणा या मंचावरून खेळाडू जगाला देतील.
भारताचा मोठा ताफा; १२ वेगवेगळ्या खेळात ८४ खेळाडू उतरणार मैदानात
Take a look at the latest members of #ParisParalympics2024🇫🇷 contingent for #TeamIndia👇 as they were given a rousing send off from IGI Airport, Delhi 🤩
— SAI Media (@Media_SAI) August 26, 2024
As they prepare to make us proud at #Paralympics2024, don't forget to #Cheer4Bharat🇮🇳 and support our heroes💪… pic.twitter.com/3AEu72IjQs
भारतीय खेळाडूंकडून या स्पर्धेत मोठ्या कामगिरीची अपेक्षा आहे. टोकियो येथील पॅरालिम्पिक स्पर्धेत भारताने एकूण १९ पदकांची कमाई केली होती. यावेळी हा आकडा आणखी वाढेल, अशी अपेक्षा आहे. कारण यावेळी भारताने यास्पर्धेसाठी सर्वात मोठं पथक पाठवलं आहे. १२ वेगवेगळ्या खेळ प्रकारात तब्बल ८४ भारतीय खेळाडू सहभाग घेणार आहेत.
उद्घाटन सोहळ्यात हे दोन खेळाडू करतील भारतीय ताफ्याचे नेतृत्व
All set for the opening ceremony 🎑 ☑️
— SAI Media (@Media_SAI) August 27, 2024
India, let's meet our flag-bearers of #ParisParalympics2024🇫🇷
Para javelin champion Sumit Antil along with shotput star Bhagyashri Jadhav are all set to wave the tricolor🇮🇳 high at the opening ceremony of #Paralympics2024😍
Stay tuned for… pic.twitter.com/z13HzWGn3M
पॅरालिम्पिक स्पर्धेच्या उद्घाटन सोहळ्यात परंपरेनुसार, खेळाडू आपापल्या देशाचा राष्ट्रध्वज घेऊन मिरवताना दिसतील. भारताकडून टोकियो पॅरालिम्पिक स्पर्धेतील भारताचा गोल्डन सुमित अंतिलसह महाराष्ट्रातील नांदेडची लेक आणि गोळाफेकपटू भाग्यश्री जाधव हिला भारताच्या ध्वजवाहकाचा मान देण्यात आला आहे. पॅरिसमधील पॅरालिम्पक स्पर्धेच्या उद्घाटन सोहळ्यात हे दोन खेळाडू भारतीय पथकाचे नेतृत्व करताना दिसतील.
कोण आहे सुमित अंतिल?
Get #Paralympics ready with the Para Javelin GOAT🐐
Gear up for the #ParisParalympics2024 with the defending champion👑of F64 #Javelin Throw, Sumit Antil! ✅
Join the excitement🔥 and #Cheer4Bharat🇮🇳 as Sumit powers through his training, all set to make history again at… pic.twitter.com/qiYRG2zpoq— SAI Media (@Media_SAI) August 27, 2024
सुमित अंतिल हा भारतीय पॅरालिम्पियन स्टार आहे. जो भालाफेक क्रीडा प्रकारात देशाचे प्रतिनिधीत्व करतो. गत पॅरालिम्पिक स्पर्धेसह सुमितनं जागतिक स्तरावरील पॅरा अ‍ॅथलिटिक्स स्पर्धेत F64 क्रीडा प्रकारात भारतासाठी सुवर्ण कामगिरी केली होती. यंदाच्या पॅरालिम्पिक स्पर्धेतूनही त्याच्याकडून अशाच प्रकारच्या सर्वोच्च कामगिरीची अपेक्षा आहे.
महाराष्ट्राची लेक भाग्यश्री जाधवकडूनही यावेळी पदकाची आस
World para Athletes championship japan in kobe 20/5/2024 I got silver 🥈medal 🙏🙏 pic.twitter.com/OS70WheiM7
— Bhagyashri Jadhav (@J_bhagyashri_) May 22, 2024
महाराष्ट्रातील नांदेडची लेक भाग्यश्री जाधव हिने आंतरराष्ट्रीय स्तरावर लक्षवेधी कामगिरी केली आहे. भारतासाठी अनेक पदकं जिंकणारी भाग्यश्रीनं टोकियो पॅरालिम्पिक स्पर्धेतही भारताचे प्रतिनिधीत्व केले होते. गोळा फेक प्रकारात ती सातव्या क्रमांकावर राहिली होती. ही कसर भरून काढत यावेळी ती पदकाला गवसणी घालून भारताच्या पदकांचा आकडा उंचावणारी कामगिरी करेल, अशी अपेक्षा आहे.