India performance in Paris Olympics 2024 : टोकियोच्या तुलनेत कशी राहिली भारताची पॅरिसमधील कामगिरी? गोल्डचा रकाना रिकामाच!

टोकियोच्या तुलनेत पॅरिसमध्ये कामगिरी उंतानेल, अशी अपेक्षा होती पण तसं झालं नाही. 

India performance in Paris Olympics 2024 :पॅरिस ऑलिम्पिक स्पर्धेची सांगता आज ११ ऑगस्टला होणार आहे. पण अखेरच्या दिवशी भारताच्या एकाही खेळाडूचा इवेंट नाही. महिला कुस्तीपटू रीतिका हुड्डा ही या स्पर्धत भारताकडून खेळणारी शेवटची स्पर्धक ठरली. ७६ किलो वजनी गटातील फ्रीस्टाईल कुस्ती क्रीडा प्रकारात तिने पदकाच्या आशा पल्लवित केल्या होत्या. पण इथंही निराशाच पदरी आली. टोकियोच्या तुलनेत यंदा कामगिरी सुधारेल अशी अपेक्षा होती पण तसं झाले नाही.  जाणून घेऊयात पॅरिस ऑलिम्पिक स्पर्धा २०२४ मध्ये भारतीय खेळाडूंची कामिगिरी कशी राहिली.  

या स्टार खेळाडूंच्या पदरी आली निराशा

Ahead of her outing at #ParisOlympics2024 later today, weightlifter🏋‍♀Mirabai Chanu expressed her gratefulness towards her coaches Vijay Sharma and Aaron Horschig.

Mirabai is all set to be in action later today at #Paris2024 so support her and #Cheer4Bharat🇮🇳🥳… pic.twitter.com/vPqE46A5CY

— SAI Media (@Media_SAI) August 7, 2024

भारताकडून 117 खेळाडू पॅरिस ऑलिम्पिक स्पर्धेत सहभागी झाले होते. जगातील मानाच्या स्पर्धेत भारतीय खेळाडू दुहेरी आकडा गाठतील अशी आशा होती. पण टोकियोच्या तुलनेत यावेळी एक पदक कमीच आले. ज्या खेळाडूंकडून पदकाची हमी होती, त्या खेळाडूंनी सोन्यासारखा खेळ खेला. पण पदक काही त्यांच्या हाती लागलेच नाही. यात पीव्ही सिंधू, मीराबाई चानू, लक्ष्य सेन आणि तिरंदाजीत दीपिका कुमारी यासारख्या खेळाडूंचा समावेश आहे.जे पदकाच्या उंबरठ्यापर्यंत पोहचले, पण त्यांची झोळी रिकामीच राहिली. 

पॅरिस ऑलिम्पिकमधील भारताची कामगिरी (० सुवर्ण, १ रोप्य आणि 4 कांस्य)  

Thanks to Aman Sehrawat's historic #Bronze🥉win, we have a total of 6⃣ medals at the #ParisOlympics2024!!

Congratulations to our brave contingent who gave their all at the French capital. Let's hear it out for all the participants and #Cheer4Bharat🇮🇳🥳 pic.twitter.com/LQhkqx1jVk

— SAI Media (@Media_SAI) August 11, 2024

वेगवेगळ्या स्पर्धेत नेमबाजीमध्ये भारतीय खेळाडूंनी आपली क्षमता दाखवून दिली आहे. पण बहुतांश वेळा ऑलिम्पिकमध्ये या क्रीडा प्रकारातून भारताच्या पदरी निराशा पडली होती. पण यावेळी चौघांनी मिळून भारताच्या खात्यात 3 पदकाची कमाई करून दिली.3 कांस्य पदकासह या खेळातून भारताला सर्वाधिक पदकं आली. याशिवाय कुस्तीमध्ये एक कांस्य, भालाफेकमध्ये रौप्य आणि हॉकी संघाने आपली कामगिरी कायम ठेवत यावेळी सलग दुसऱ्यांदा कांस्य पदक जिंकले. या स्पर्धेत भारताला एकही सुवर्ण पदक मिळाले नाही. विनेश फोगाट प्रकरणातील निर्णय भारताच्या बाजूनं लागला तर आणखी एक पदक निश्चित होईल. पण एकही सुवर्ण पदक नसल्यामुळे क्रमवारीत फारसा बदल होणार नाही.

This special feeling 💙🎶

Grand welcome for our boys at the New Delhi Airport after they returned from Paris Olympics. #BackHome#HockeyIndia#IndiaKaGame
.
.
.
.@CMO_Odisha@IndiaSports@Media_SAI@sports_odisha@Limca_Official@CocaCola_Indpic.twitter.com/Nk6GGeGTBt

— Hockey India (@TheHockeyIndia) August 10, 2024

  
टोकियो ऑलिम्पिकमधील भारताची कामगिरी यावेळी पेक्षा होती उत्तम (१ सुवर्ण, २ रौप्य आणि 4 कांस्य)

टोकियो ऑलिम्पिक स्पर्धेत 124 खेळाडूंनी सहभाग घेतला होता. यावेळी नीरज चोप्राने भारताला सुवर्ण पदकाची कमाई करून दिली होती. याशिवाय कुस्ती आणि वेटलिफ्टिंगमध्ये 2 रौप्य आणि बॅडमिंटन, बॉक्सिंग, कुस्ती आणि हॉकी संघाने कांस्य पदकाची कमाई केली होती. 

टोकियो ऑलिम्पिक स्पर्धेतील पदक विजेते

मीराबाई चानू, वेटलिफ्टिंग- रौप्य
लवलिना बोरगोहेन, बॉकिंग्स- कांस्य
पीव्ही सिंधू, बॅडमिंटन- कांस्य
रवी कुमार दहिया, कुस्ती- रौप्य
पुरुष हॉकी संघ- कांस्य
बजरंग पूनिया, कुस्ती- कांस्य
नीरज चोप्रा, भालाफेक- सुवर्ण

What a moment for Bharat!
A Silver Medal for @Neeraj_chopra1. He has won his 2nd consecutive Olympic medal!

This incredible achievement is historic—no individual in independent Bharat has ever done it before in athletics. #Cheer4Bharatpic.twitter.com/kse90CBAEy

— Dr Mansukh Mandaviya (@mansukhmandviya) August 8, 2024

टोकियो ऑलिम्पिक स्पर्धेत भारत पदकतालिकेत आघाडीच्या ५० देशांमध्ये होता. यावेळी भारताचे स्थान सत्तरीपार आहे.