भारताचे अव्वल स्थान डावावर

भारताला आयसीसी टी-२० आंतरराष्ट्रीय क्रमवारीतील अव्वल स्थान कायम राखण्यासाठी श्रीलंकेविरुद्धच्या आगामी टी-२० मालिकेत विजय मिळवणे आवश्यक आहे.

दुबई : भारताला आयसीसी टी-२० आंतरराष्ट्रीय क्रमवारीतील अव्वल स्थान कायम राखण्यासाठी श्रीलंकेविरुद्धच्या आगामी टी-२० मालिकेत विजय मिळवणे आवश्यक आहे.
भारताने गेल्या आठवड्यात आॅस्ट्रेलियाला क्लीन स्वीप देताना क्रमवारीत सात स्थानांची झेप घेतली. भारताला आता टी-२० क्रिकेटमधील गतविश्वविजेत्या श्रीलंकेविरुद्ध ९ फेब्रुवारीपासून मालिका खेळायची आहे. श्रीलंकेने या मालिकेत विजय मिळवला तर त्यांना भारत व विंडीजला पिछाडीवर सोडत अव्वल स्थान पटकावण्याची संधी राहील. भारताने या मालिकेत ३-० ने विजय मिळवला तर यजमान संघाचे क्रमवारीतील अव्वल स्थान
कायम राहील आणि श्रीलंका संघाची सातव्या स्थानावर घसरण होईल. मालिकेत २-१ ने विजय मिळवला तरी भारत अव्वल स्थानावर कायम राहील, पण श्रीलंका संघ चौथ्या स्थानावर दाखल होईल. (वृत्तसंस्था)