IPL 2017 लिलावाला सुरुवात, बेन स्टोक्स पुण्याच्या ताफ्यात

बंगळुरु, दि. 20 - इंडियन प्रीमिअर लीगच्या दहाव्या पर्वासाठी खेळाडूंच्या लिलावाला सुरुवात झाली आहे. यावेळी भारतीय युवा खेळाडू व अफगाणच्या खेळाडूंवर सर्वांची नजर आहे. लिलावामध्ये ३५० पेक्षा अधिक खेळाडूंचा समावेश असून, जास्तीत जास्त ७६ खेळाडूंना करारबद्ध करता येणार आहे. खेळाडूंची बोली लावण्यास सुरुवात झाली असून  अनेक मोठ्या खेळाडूंना घेण्यात फ्रँचायझींनी अनुकूलता दाखवलेली नाही. युवा खेळाडू सौरव तिवारी आणि इरफान पठाणला कोणत्याही संघाने घेतलेलं नाही.

 

इंग्लंडचा अष्टपैलू खेळाडू बेन स्टोक्सला सर्वांची पसंती मिळाली असून 14.50 कोटींची बोली लागली. 2 कोटी बेस प्राईस असलेल्या स्टोक्ससाठी मुंबई इंडियन्सने बोली लावली, पण अखेर पुणे सुपरजायंट्सला स्टोक्सची खरेदी करण्यात यश मिळालं.

 

 - इंग्लंडचा कप्तान इयॉन मॉर्गनला किंग्ज इलेव्हन पंजाबने 2 कोटींमध्ये खरेदी केले.

- इंग्लंडच्या बेन स्टोक्सला 14.50 कोटींची बोली, स्टोक्स रायझिंग पुणे सुपरजायंट्स ताफ्यात.

- इरफान पठाणला कोणीही खरेदी केलं नाही.

- निकोलस पुरनची मुंबई इंडियन्सकडून 30 लाख रुपयांत खरेदी

- इंग्लंडच्या जॉनी बेअरस्टोला खरेदीदार मिळाला नाही 

- श्रीलंकेचा अॅजलो मॅथ्यूज आणि न्यूझीलंडचा कोरी अॅडरसन दिल्ली डेअरडेव्हिल्सच्या ताफ्यात

- कोरी अँडरसनला दिल्ली डेअरडेव्हिल्सने 1 कोटीत खरेदी केलं.

- अँजेलो मॅथ्यूजला दिल्ली डेअरडेव्हिल्सकडून 2 कोटीत खरेदीची