जयपुर पँथरवर मि‘राज’

शेवटच्या सेकंदापर्यंत श्वास रोखून धरायला लावणाऱ्या या सामन्यात तेलुगु टायटन्सने शेवटच्या मिनिटात जयपुर पिंक पँथर्सवर लोम चढवित सामना २७-२५ असा खिशात घातला.

- विशाल शिर्के,  पुणे
शेवटच्या सेकंदापर्यंत श्वास रोखून धरायला लावणाऱ्या या सामन्यात तेलुगु टायटन्सने शेवटच्या मिनिटात जयपुर पिंक पँथर्सवर लोम चढवित सामना २७-२५ असा खिशात घातला. मिराज शेख याच्या अष्यपैलु खेळीने जवळपास हातातून गेलेला सामना तेलुगुने खेचून आणला.
म्हाळुंगे-बालेवाडी येथील शिवछत्रपती क्रीडा संकुलात शनिवारीहा सामना झाला. सुरुवाती पासूनच तेलुगु टायटन्स व जयपूर पिंक पँथर्स संघात जोरदार संघर्ष पहायला मिळाला. दोन्ही संघ एकमेकांना जोरदार टक्कर देत होते. तेलुगुच्या मिराज शेख याची जबरदस्त चढाई व विकास काळेच्या पकडीची त्याला मिळालेली साथ याच्या बळावर तेलुगुने मध्यंतरापूर्वीच्या दोन मिनिटांत १२-९ अशी आघाडी घेतली. जयपूरचा चपळ खेळाडू सोनू नरवालला आपला करीष्मा दाखविता आला नाही. जयपूरच्या मोहम्मद माघसोधलू याने लक्षवेधक चढाई केली. उत्तरार्धात तेलुगुने धुसमुसळा खेळ केला.