लग्नाच्या एक आठवड्यापूर्वी जॉन सीना आणि निकीचं ब्रेकअप, काय आहे कारण?

​​दोघांच्या रिलेशनशीपची चांगलीच चर्चा झाली. पण आता या दोघांच्या चाहत्यांसाठी एक वाईट बातमी आहे. 

जॉन सीना हा आपल्या फाईट्ससोबतच रोमान्समुळेही चर्चेत असतो. 2012 मध्ये रेसलमेनिया 33 दरम्यान जॉनने निकी बेला हिला रिंगमध्येच प्रपोज केलं होतं. निकी ही सुद्धा एक रेसलर आहे. दोघांच्या रिलेशनशीपची चांगलीच चर्चा झाली. पण आता या दोघांच्या चाहत्यांसाठी एक वाईट बातमी आहे. 

हॉलिवूडमध्ये हे या वर्षातलं सर्वात शॉकिंग ब्रेकअप आहे. 6 वर्ष एकत्र राहिल्यानंतर आता दोघांनी ब्रेकअप केलं आहे. दोघांनीही सोशल मीडियाच्या माध्यमातून याची माहिती दिली आहे. 40 वर्षीय जॉन आणि 34 वर्षीय निकी या दोघांसाठीही हा निर्णय कठिण असल्याचे म्हटले आहे. 

ब्रेकअप करुन दोघेही दु:खी आहेत. दरम्यान निकी आणि जॉन दोघांनीही साखरपुडा केला होता. ते 5 मे रोजी लग्नही करणार होते. पण लग्नाच्या एक आठवड्यापूर्वी झालेल्या त्यांच्या ब्रेकअपने सर्वांनाच धक्का बसलाय. 

याबाबत निक म्हणाली की, 'हा निर्णय घेणे फाल कठिण होते. आम्ही दोघेही एकमेकांचं प्रेम कायम ठेवू आणि दोघेही एकमेकांचा सन्मान करु. आम्ही सोबत अनेक चांगले क्षण सोबत घालवले आहेत'.

Anybody feeling down, check out #WaltWhitman has always been a helpful voice in times of crisis. Beautifully wild thinker, and was certainly onto something with ideas like these. pic.twitter.com/tGl3p9smFl

— John Cena (@JohnCena) April 15, 2018

काही दिवसांपूर्वीच एका मुलाखतीत जॉन म्हणाला होता की, '5 वर्ष एकत्र घालवल्यानंतर आता असं वाटतंय की, प्रेम करणं सोपं नाहीये. अनेकांप्रमाणे आमच्याही नात्यात काही अडचणी आहेत. ब-याचदा मी दु:खी होतो, मग वाटतं की, मी तिच्याशिवाय राहू शकत नाही'.