लोकल क्रिकेट

भ�

��यरची चमकदार कामगिरी
रुबी क्लबचा विजय
नागपूर : फॉर्मात असलेल्या सत्यम भोयरच्या (१२३ धावा, ११४ चेंडू, २३ चौकार) शतकी खेळीच्या जोरावर रुबी स्पोर्टिंग क्लबने सुपर सिक्स फेरीतील लढतीत जवाहर क्रिकेट क्लबचा ३१ धावांनी पराभव केला. विदर्भ क्रिकेट संघटनेतर्फे १३ वर्षांखालील क्रिकेटपटूंच्या आयोजित या स्पर्धेतील लढत गुरुवारी मेकोसाबाग मैदानावर खेळविण्यात आली.
रुबी स्पोर्टिंग क्लबने प्रथम फलंदाजी करताना ५० षटकांत ५ बाद २९७ धावांची मजल मारली. भोयरने (१२३) शतकी खेळी करीत रुबी क्लबच्या डावात उल्लेखनीय योगदान दिले. त्याला हर्ष दुबेची (६० धावा, ६ चौकार) योग्य साथ लाभली. अशित सिंग (३०) व हर्षित मिश्रा (२५) यांचीही कामगिरी महत्त्वाची ठरली.
लक्ष्याचा पाठलाग करणाऱ्या जवाहर क्रिकेट अकादमीचा डाव ६ बाद २६७ धावांत रोखल्या गेला. वरुण काळभोरेची ७५ धावांची खेळी अखेर व्यर्थच ठरली. कबीर कौसेन (६३) व अमेय भोयर (५९) यांनीही चांगली फलंदाजी केली, पण संघाचा पराभव टाळण्यात त्याचे प्रयत्न अपुरेच पडले. रुबी क्लबतर्फे हर्ष दुबेने २ बळी घेतले. (क्रीडा प्रतिनिधी)