नोवाक जोकोविच यूएस ओपनचा 'किंंग'

सर्बियाचा टेनिसपटू नोवाक जोकोविचने यूएस ओपनच्या अंतिम सामन्यात रॉजर फेडररचा पराभव करत स्पर्धेचे जेतेपद पटकावले आहे. जोकोविचचे हे १० वे ग्रँड स्लॅम विजेतेपद आहे.

ऑनलाइन लोकमत

न्यूयॉर्क, दि. १४ - सर्बियाचा टेनिसपटू नोवाक जोकोविचने यूएस ओपनच्या अंतिम सामन्यात रॉजर फेडररचा पराभव करत स्पर्धेचे जेतेपद पटकावले आहे. जोकोविचचे हे १० वे ग्रँड स्लॅम विजेतेपद आहे. 

अमेरिकन ओपनमध्ये रॉजर फे़डररने स्टेन वावरिन्काचा पराभव करत अंतिम फेरीत धडक दिली होती. तर जोकोविचनेहीच सहाव्यांदा अंतिम फेरीत धडक दिली होती. रविवारी रात्री रंगलेल्या या अंतिम सामन्यात पावसाने व्यत्यत आणल्याने सामना उशीराने सुरु झाला. चुरशीच्या लढतीत जोकोविचने फेडररचा ६-४, ५-७, ६-४, ६-४ असा पराभव केला. २०१२ नंतर रॉजर फेडररला अद्याप एकही ग्रँडस्लॅम पटकावता आलेले नाही.