इथे सिकंदरचा वाद अन् जंतर मंतरवर बजरंग, साक्षीसह ऑलिम्पिक पदकविजेत्या कुस्तीपटूंचं आंदोलन; जाणून घ्या कारण

महाराष्ट्र केसरी स्पर्धेत सिकंदर शेखवर अन्याय झाल्यावरून वाद सुरू असताना आता दिल्लीतील जंतर मंतरवर ऑलिम्पिक पदकविजेते कुस्तीपटू आंदोलनाला बसले आहेत.

भारतात कुस्तीचा आखाडा मैदानाबाहेर सुरू असल्याचे चित्र दिसतेय... महाराष्ट्र केसरी स्पर्धेत सिकंदर शेखवर अन्याय झाल्यावरून वाद सुरू असताना आता दिल्लीतील जंतर मंतरवर ऑलिम्पिक पदकविजेते कुस्तीपटू आंदोलनाला बसले आहेत. ऑलिम्पिकमध्ये देशाची शान उंचावणाऱ्या कुस्तीपटूंनी भारतीय कुस्ती महासंघाविरोधात दंड थोपटले आहेत.  दिल्लीच्या जंतर-मंतरवर अनेक कुस्तीपटू कुस्ती संघटनेचे अध्यक्ष ब्रिजभूषण शरण सिंह यांचा निषेध करत आहेत. यामध्ये ऑलिम्पियन बजरंग पुनिया, साक्षी मलिक, विनेश फोगट आणि सरिता मोर या कुस्तीपटूंचा समावेश आहे.  

कुस्तीपटूंनी त्यांच्या तक्रारी किंवा मागण्या सविस्तरपणे सांगितल्या नाहीत. पण ते डब्ल्यूएफआयचे अध्यक्ष आणि कैसरगंजचे भाजप खासदार सिंग यांच्या वृत्तीला कंटाळले आहेत, हे स्पष्ट झाले आहे. ट्विटरवर डब्ल्यूएफआय प्रेसिडेंटचा बहिष्कार करण्याचा ट्रेंड खेळाडूंनी सुरू केला आहे. त्यांनी आपल्या ट्विटमध्ये पंतप्रधान नरेंद्र मोदी, पीएमओ यांनाही टॅग केले आहे. बजरंग, विनेशसह रिओ ऑलिम्पिक पदक विजेती साक्षी मलिक, जागतिक चॅम्पियनशिप पदक विजेती सरिता मोर, संगीता फोगट, सत्यवर्त मलिक, जितेंद्र किन्हा आणि राष्ट्रकुल पदक विजेता सुमित मलिक हे जंतरमंतरवर धरणे धरणाऱ्या ३० कुस्तीपटूंमध्ये आहेत.

#Jantar mantar pic.twitter.com/calKOipydH

— Bajrang Punia 🇮🇳 (@BajrangPunia) January 18, 2023

बजरंग पुनियाने आपल्या ट्विटमध्ये लिहिले की, 'खेळाडू देशाला पदक मिळवून देण्यासाठी खूप मेहनत करतो, पण फेडरेशनने आम्हाला निराश करण्याशिवाय काहीही केले नाही. मनमानी कायदे आणि नियम लादून खेळाडूंचा छळ केला जात आहे.” 

विनेश फोगटनेही ट्विट करून भारतीय कुस्ती महासंघाविरोधात नाराजी व्यक्त केली आहे. तिने लिहिले, 'खेळाडूला स्वाभिमान हवा असतो आणि तो ऑलिम्पिक आणि मोठ्या खेळांसाठी पूर्ण तीव्रतेने तयारी करतो. पण, महासंघानेच त्यांना साथ दिली नाही तर त्यांचे मनोधैर्य खचते. पण, आम्ही झुकणार नाही. आपल्या हक्कांसाठी आणि हक्कांसाठी लढणार आहोत.

फेडरेशन का काम खिलाड़ियों का साथ देना, उनकी खेल की जरूरतों का ध्यान रखना होता है। कोई समस्या हो तो उसका निदान करना होता है। लेकिन अगर फेडरेशन ही समस्या खड़ी करे तो क्या किया जाए?
अब लड़ना पड़ेगा, हम पीछे नहीं हटेंगे । #BoycottWFIPresident#BotcottWrestlingPresident

— Bajrang Punia 🇮🇳 (@BajrangPunia) January 18, 2023

बजरंगने पीटीआयला सांगितले की, ''आमचा लढा सरकार किंवा भारतीय क्रीडा प्राधिकरणाविरुद्ध नाही. आम्ही WFI च्या विरोधात आहोत. त्याचा तपशील आज आपण देऊ.” बजरंगचे सपोर्ट स्टाफही संपावर आहे, त्यात त्याचे प्रशिक्षक सुजित मान आणि फिजिओ आनंद दुबे यांचा समावेश आहे. हुकूमशाही चालणार नाही, असे आणखी एक पैलवान म्हणाला.
ऑलिम्पिकमध्ये पदक जिंकणारी महिला कुस्तीपटू साक्षी मलिक हिने ट्विट केले आहे की, “खेळाडू देशासाठी पदके मिळवण्यासाठी खूप मेहनत करतात. पण फेडरेशनने आम्हाला खाली दाखवण्याशिवाय काहीही केले नाही. मनमानी नियम आणि अटी लादून खेळाडूंना त्रास दिला जात आहे.

खुदी को कर बुलंद इतना कि, हर तक़दीर से पहले-
“ख़ुदा बंदे से ख़ुद पूछे बता तेरी रज़ा क्या है” 🙌🙌— Vinesh Phogat (@Phogat_Vinesh) October 14, 2022

फेडरेशन का काम खिलाड़ियों का साथ देना, उनकी खेल की जरूरतों का ध्यान रखना होता है। कोई समस्या हो तो उसका निदान करना होता है। लेकिन अगर फेडरेशन ही समस्या खड़ी करे तो क्या किया जाए?
अब लड़ना पड़ेगा, हम पीछे नहीं हटेंगे ।@narendramodi@PMOIndia@AmitShah#BoycottWFIPresident— Anshu Malik 🇮🇳 (@OLyAnshu) January 18, 2023

ब्रिजभूषण शरण सिंह हे २०११ पासून WFI चे अध्यक्ष आहेत आणि फेब्रुवारी २०१९मध्ये त्यांची सलग तिसऱ्यांदा निवड झाली.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"