पेस - आदिल जोडी उपांत्यपूर्व फेरीत

लिएंडर पेस - आदिल शमसदीन या अव्वल मानांकित जोडीने पिछाडीवर पडल्यानंतर दमदार पुनरागमन करताना एगॉन चॅलेंजर एटीपी टेनिस स्पर्धेच्या

इलक्ले (ग्रेट ब्रिटन) : लिएंडर पेस - आदिल शमसदीन या अव्वल मानांकित जोडीने पिछाडीवर पडल्यानंतर दमदार पुनरागमन करताना एगॉन चॅलेंजर एटीपी टेनिस स्पर्धेच्या उपांत्यपूर्व फेरीत प्रवेश केला. तसेच, पूरव राजा - दिविज शरण या भारतीय जोडीनेही सहज बाजी मारताना उपांत्यपूर्व फेरीत जागा निश्चित केली. विशेष म्हणजे, या स्पर्धेत सहभाग नोंदवलेल्या सर्व भारतीय खेळाडूंनी उपांत्यपूर्व फेरीत धडक मारली आहे.
पेस - आदिल यांनी अत्यंत चुरशीच्या झालेल्या सामन्यात मॅट रीड - जॉन पॅट्रिक स्मिथ यांच्याविरुद्ध ४-६, ६-३, १२-१० असा विजय मिळवला. पहिला सेट गमावून पिछाडीवर पडल्यानंतर पेस - आदिल यांनी मोक्याच्या वेळी खेळ उंचावताना शानदार पुनरागमन करून बाजी मारली. दुसरीकडे, पूरव - दिविज या जोडीने आक्रमक खेळाच्या जोरावर व्हिक्टर एस्टे्रला बुर्गोस - दारिया किंग या द्वितीय मानांकित जोडीचा ६-२, ६-४ असा धुव्वा उडवत धक्कादायक निकाल नोंदवला.
भारताचा अन्य स्टार खेळाडू रोहन बोपन्ना याने इवान डोडिगसह स्पर्धेत विजयी कूच करताना कायल एडमंड - थनासी कोकिनाकिस यांना ६-३, ६-७, १०-७ असे नमवले. (वृत्तसंस्था)