Paris Olympic 2024 : भारताची Manu Bhaker फायनलमध्ये! २० वर्षांनंतर घडला इतिहास, देशाला पदकाची आशा
By ऑनलाइन लोकमत | Published: July 27, 2024 05:42 PM2024-07-27T17:42:40+5:302024-07-27T17:43:03+5:30
पॅरिस ऑलिम्पिक २०२४ ला सुरुवात झाली आहे.
![Paris Olympics 2024 MANU BHAKER QUALIFIES FOR THE 10M AIR PISTOL FINAL, read here details | Paris Olympic 2024 : भारताची Manu Bhaker फायनलमध्ये! २० वर्षांनंतर घडला इतिहास, देशाला पदकाची आशा Paris Olympics 2024 MANU BHAKER QUALIFIES FOR THE 10M AIR PISTOL FINAL, read here details | Paris Olympic 2024 : भारताची Manu Bhaker फायनलमध्ये! २० वर्षांनंतर घडला इतिहास, देशाला पदकाची आशा](https://d3pc1xvrcw35tl.cloudfront.net/images/420x315/manu-bhakar_2024071275019.jpg)
Paris Olympic 2024 : भारताची Manu Bhaker फायनलमध्ये! २० वर्षांनंतर घडला इतिहास, देशाला पदकाची आशा
Paris Olympic 2024 Updates In Marathi | पॅरिस : पॅरिस ऑलिम्पिक २०२४ ला सुरुवात झाली आहे. पहिल्या दिवशी भारतीय शिलेदार संघर्ष करताना दिसले. पण, शूटिंगमधून एक आशावादी बातमी समोर आली आहे. भारताची शूटर मनू भाकर पहिल्या तीनमध्ये येऊन अंतिम फेरीसाठी पात्र ठरली. त्यामुळे ती पदकाच्या शर्यतीत कायम आहे. रविवारी दुपारी ३.३० वाजता ती अंतिम फेरीत खेळेल. रविवारी होणाऱ्या अंतिम फेरीत मनू भारतासाठी पदक जिंकेल अशी आशा आहे.
मनू भाकरने १० मीटर एअर पिस्तूलमध्ये अंतिम फेरी गाठली आहे. सातत्य दाखवत तिने नेमबाजी करताना तिसरे स्थान पटकावण्यात यश मिळवले. अव्वल स्थानी राहिलेले आठ नेमबाज अंतिम फेरीसाठी पात्र होतात. मनूला अंतिम फेरीचे तिकीट मिळाले मात्र, भारताची दुसरी नेमबाज रिदम संगवानच्या पदरी निराशा पडली अन् तिला १५ व्या स्थानावर समाधान मानावे लागले.
भारताला पदकाची आशा
मनू भाकर मागील २० वर्षांमध्ये वैयक्तिक स्पर्धेत ऑलिम्पिक फायनल गाठणारी पहिली भारतीय महिला नेमबाज ठरली आहे. शेवटच्या वेळी १० मीटर एअर रायफल स्पर्धेत भारताच्या सुमा शिरूरने २००४ मध्ये अथेन्स येथे झालेल्या स्पर्धेत अंतिम फेरी गाठली होती.
Fact Check: Manu Bhaker is now the 1st Indian female shooter to reach an Olympic Final in an individual event in the last 20 years!
— India_AllSports (@India_AllSports) July 27, 2024
The last time was Suma Shirur, who reached the Final of the 10m Air Rifle event in Athens 2004. https://t.co/qKzl0DS809
दरम्यान, भारताच्या मनू भाकरने १० मीटर एअर पिस्तूल महिलांच्या अंतिम फेरीत प्रवेश केला. ती ५८० गुणांसह तिसऱ्या स्थानी राहिली. रविवारी भारतीय वेळेनुसार दुपारी साडेतीन वाजता मनू भाकरचे पदकासाठी लढेल. तर भारताची दुसरी नेमबाज रिदिमा सांगवान ५७३ गुणांसह १५व्या स्थानी राहिली.