प्रो कबड्डी : अटीतटीच्या लढतीत जयपूर पिंक पँथर्सचा विजय
By ऑनलाइन लोकमत | Published: August 21, 2019 11:00 PM2019-08-21T23:00:14+5:302019-08-21T23:01:15+5:30
जयपूरपेक्षा तमिळच्या संघाचे या सामन्यात चांगल्या चढाया केल्या, पण त्यांना चांगल्या पकडी करता आल्या नाहीत.
प्रो कबड्डी : अटीतटीच्या लढतीत जयपूर पिंक पँथर्सचा विजय
मुंबई : अटीतटीच्या लढतीत जयपूर पिंक पँथर्सने तमिळ थलाईव्हासवर 28-26 असा विजय मिळवला. हा सामना अखेरच्या मिनिटापर्यंत चांगलाच रंगला, पण अखेर जयपूरने या सामन्यात बाजी मारली
#CHEvJAI left @tamilthalaivas without a win, and us without nails.
— ProKabaddi (@ProKabaddi) August 21, 2019
Did you enjoy @JaipurPanthers' win in this #VIVOProKabaddi Season 7 clash?
Keep watching all the Panga, LIVE on Star Sports and Hotstar. #IsseToughKuchNahipic.twitter.com/ByDKx1c6xh
जयपूरपेक्षा तमिळच्या संघाचे या सामन्यात चांगल्या चढाया केल्या, पण त्यांना चांगल्या पकडी करता आल्या नाहीत. त्यामुळे तमिळ संघाच्या हातून हा सामना निसटला. जयपूरला चढाईमध्ये 14 तर तमिळला 16 गुण मिळवता आले. त्याचबरोबर तमिळच्या संघाने जयपूरवर एक लोण चढवत दोन गुणांची कमाईदेखील केली. पण त्यांना चांगला बचाव न करता आल्यामुळेच पराभव पत्करावा लागला.
जयपूरच्या संघाने पकडींच्या जोरावर हा सामना जिंकला. कारण जयपूरने पकडींमध्ये 11 गुण मिळवले, पण तमिळ संघाला पकडींमध्ये फक्त सहा गुणच मिळवता आले.
पुणेरी पलटण पडली भारी, बंगळुरुवर मिळवला विजय
प्रो कबड्डीमध्ये आज पुणेरी पलटण बंगळुरु बुल्सवर भारी पडल्याचे पाहायला मिळाले. पुण्याच्या संघाने बंगळुरुच्या संघावर 31- 23 असा सहज विजय मिळवला.
An all-round performance made sure @PuneriPaltan make their ascent up the #VIVOProKabaddi Season 7 points table with a win over @BengaluruBulls in #PUNvBLR tonight.
— ProKabaddi (@ProKabaddi) August 21, 2019
Keep watching all the action, LIVE on Star Sports & Hotstar. #IsseToughKuchNahipic.twitter.com/A1mfJNtoMp
या सामन्यात बंगळुरुच्या संघाने पुण्यापेक्षा जास्त गुण आक्रमण करताना मिळत होते. पण पुण्याच्या संघाने यावेळी दमदार पकडींच्या जोरावर हा सामना जिंकला. चढायांमध्ये बंगळुरुने 16 तर पुण्याने 13 गुण मिळवले होते. बंगळुरुच्या संघाने या सामन्यात जोरदार चढाया केल्या. पण चांगला बचाव न करू शकल्याने बंगळुरुला पराभव पत्करावा लागला.
पुण्याच्या संघाला चढायांमध्ये बंगळुरुपेक्षा जास्त गुण मिळवता आले नाहीत. पण पुण्याने यावेळी चांगला बचाव केला आणि त्यांनी पकडींमध्ये जास्त गुण मिळवत बंगळुरुवर विजय मिळवला. पकडींमध्ये बंगळुरुला फक्त सहा गुण मिळवता आले, तर पुण्याने 16 गुण मिळवले. त्याचबरोबर पुण्याच्या संघाने बंगळुरुवर एकदा लोण चढवत दोन गुणांची कमाई केली.
