पंजाबचा ‘सुपर’ विजय

आयपीएलमधील रोमांच दिवसेंदिवस टीपेला पोहचत असून राजस्थान रॉयल्स आणि किंग्ज इलेव्हन पंजाब यांच्यात आज येथे झालेला सामना सुपर ओव्हरमध्ये

अहमदाबाद : आयपीएलमधील रोमांच दिवसेंदिवस टीपेला पोहचत असून राजस्थान रॉयल्स आणि किंग्ज इलेव्हन पंजाब यांच्यात आज येथे झालेला सामना सुपर ओव्हरमध्ये किंग्ज इलेव्हन पंजाबने जिंकत राजस्थानच्या विजयी अभियानाला ब्रेक लावला. निर्धारीत षटकात प्रथम फलंदाची करताना राजस्थान रॉयल्सने ६ बाद १९१ धावा केल्या. याला प्रत्युत्तर देताना किंग्ज इलेव्हन पंजाबला शेवटच्या चेंडूवर ५ धावा हव्या होत्या, अक्षर पटेलने शेवटच्या चेंडूवर चौकार ठोकल्याने सामना टाय झाला. त्यानंतर झालेला सुपर ओव्हरचा थरार पंजाबने निर्विवादपणे जिंकला. सुपर ओव्हरमध्ये पंजाबने प्रथम खेळताना १५ धावा केल्या. पण राजस्थानचे सहा धावांत दोन फलंदाज बाद झाल्याने पंजाबने बाजी मारली.
राजस्थानचे १९१ धावांचे आव्हान पेलताना पंजाबच्या शॉन मार्श (६५) आणि डेव्हीड मिलर (५४) यांनी चांगली फलंदाजी केली. विशेषत: मिलरच्या ३0 चेंडूतील ५४ धावांमुळे विजय आवाक्यात आला पण निर्णायक क्षणी तो बाद झाला. शेवटच्या षटकात विजयासाठी १४ धावांची आवश्यकता असताना मिशेल जॉन्सन - अक्षर पटेल यांनी १३ धावा केल्या. अक्षर पटेलने शेवटच्या चेंडूवर चौकार ठोकल्याने सामना टाय झाला.
तत्पूर्वी किंग्ज इलेव्हन पंजाबचे नेतृत्त्व करणाऱ्या वीरेंद्र सेहवागने नाणेफेक जिंकून राजस्थानला फलंदाजीस पाचारण केले. अजिंक्य रहाणे (७४) आणि शेन वॉटसन (४५) यांनी दिलेल्या ९५ धावांच्या सलामीच्या जोरावर राजस्थान रॉयल्स संघाने इंडियन प्रीमिअर लीग क्रिकेट स्पर्धेत किंग्ज इलेव्हन पंजाबला १९२ धावांचे टार्गेट दिले. राजस्थानने आपल्या डावात ६ बाद १९१ धावा केल्या.
सरदार पटेल स्टेडियमच्या मैदानावर किंग्ज इलेव्हन पंजाब संघाचा कर्णधार वीरेंद्र सेहवागने प्रथम क्षेत्ररक्षण करण्याचा निर्णय घेतला. राजस्थानचा आघाडी फलंदाज अजिंक्य रहाणे आणि कर्णधार शेन वॉटसन यांनी किंग्जच्या फलंदाजांचा चांगलाच समाचार घेतला.
दोघांनी ४२ चेंडूत संघाचे अर्धशतक फलकावर लावले. दोघांची भागीदारी शतकाकडे चालली असताना अक्षर पटेलने ही जोडी फोडली. वॉटसन पुढे सरसावून फटका मारण्याच्या नादात यष्टीचित झाला. त्याने ३५ चेंडूंत ५ चौकार व २ षटकार ठोकून ४५ धावा केल्या.
सध्या आॅरेंज कॅप डोक्यावर मिरवणाऱ्या अजिंक्यने आजही शानदार फलंदाजी केली. त्याने ५४ चेंडूंत सहा चौकार आणि २ षटकारांच्या साहाय्याने ७४ धाावा केल्या. जॉन्सनच्या फसव्या स्लोअरवनवर यष्टीरक्षक वृध्दीमान सहाकडे झेल देवून रहाणे बाद झाला. दिपक हुडाने ९ चेंडूत झटपट १९ धावा केल्या. स्टीव्हन स्मिथला अक्षरने शुन्यावर मॅक्सवेलकरवी झेलबाद केले. रहाणे बाद झाल्यावर मात्र राजस्थानच्या धावांचा ओघ आटला. त्यांचा डाव ६ बाद १९१ वर येवून थांबला.
तत्पूर्वी, सरदार पटेल स्टेडियमच्या मैदानावर किंग्ज इलेव्हन पंजाब संघाचा कर्णधार वीरेंद्र सेहवागने प्रथम क्षेत्ररक्षण करण्याचा निर्णय घेतला. राजस्थानचा आघाडी फलंदाज अजिंक्य रहाणे आणि कर्णधार
शेन वॉटसन यांनी किंग्जच्या फलंदाजांचा चांगलाच समाचार घेत ९५ धावांची दमदार सलामी दिली. अजिंक्य व वॉटसनने ४२ चेंडंूत संघाचे अर्धशतक फलकावर लावले. दोघांची भागीदारी शतकाकडे चालली असताना अक्षर पटेलने ही जोडी फोडली.
वॉटसन पुढे सरसावून फटका मारण्याच्या नादात यष्टीचित झाला. त्याने ३५ चेंडूंत ५ चौकार व २ षटकार ठोकून ४५ धावा केल्या. अजिंक्यने आजही शानदार फलंदाजी केली. त्याने ५४ चेंडूंत सहा चौकार आणि २ षटकारांच्या साह्याने ७४ धाावा केल्या. जॉन्सनच्या फसव्या स्लोअरवनवर यष्टीरक्षक वृद्धिमान साहाकडे झेल देऊन रहाणे बाद झाला. रहाणे बाद झाल्यावर त्यांचा फॉल्कनर (१) व नायर (२५) लवकर बाद झाले. शेवटी बिन्नी १२ आणि सॅमसन ५ धावांवर नाबाद राहिले.
(वृत्तसंस्था)