श्रेयशने दिला द्विशतकी तडाखा

मुंबईकर श्रेयश अय्यरने आॅस्टे्रलियन गोलंदाजी फोडून काढताना तीनदिवसीय सराव सामन्यात तडाखेबंद नाबाद द्विशतक झळकावले.

मुंबई : मुंबईकर श्रेयश अय्यरने आॅस्टे्रलियन गोलंदाजी फोडून काढताना तीनदिवसीय सराव सामन्यात तडाखेबंद नाबाद द्विशतक झळकावले. श्रेयशच्या फटकेबाजीच्या जोरावर भारत ‘अ’ संघाने आॅस्टे्रलियाविरुध्द पहिल्या डावात सर्वबाद ४०३ धावांची मजल मारली, तर आॅस्टे्रलियाने ६६ धावांची आघाडी घेतल्यानंतर दुसऱ्या डावात ४ बाद ११० धावा केल्यानंतर सामना अनिर्णित सोडविण्याचा निर्णय घेतला.
आॅस्टे्रलियाच्या पहिल्या डावातील ४६९ धावांचा पाठलाग करतना श्रेयशने खंबिरपणे उभे राहत कांगारुंची बेदम पिटाई केली. श्रेयशने सुरुवातीपासून ‘वन डे’ स्टाइलने फलंदाजी करताना २१० चेंडूत नाबाद २०२ धावांचा तडाखा दिला. त्याने २७ चौकार आणि ७ गगनभेदी षटकार ठोकत आपली खेळी सजवली.
रविवारी सकाळी श्रेयशने वैयक्तिक ८५ धावांवरुन खेळण्यास सुरुवात केल्यानंतर जॅक्सन बर्डला सलग तीन चौकार खेचून आपले नववे प्रथम श्रेणी शतक पुर्ण केली. तसेच, वैयक्तिक १८४ धावांवर असतानाही श्रेयशने ओकीफीला ३ चौकार ठोकत द्विशतक पुर्ण केले. श्रेयशने आठव्या क्रमांकावरील क्रिष्णप्पा गौतमसह सातव्या विकेटसाठी १३८ धावांची मजबूत भागीदारी केली. रिषभ पंत (२१) व इशान किशन (४) दिवसाच्या सुरुवातीला झटपट परतल्यानंतर भारत ‘अ’ संघ अडचणीत आला. परंतु, गौतमने श्रेयशला उपयुक्त साथ दिली. सुरुवातीला अडखळणाऱ्या गौतमने खेळपट्टीचा अंदाज आल्यानंतर आॅसी आक्रमणाचा चांगलाच समाचार घेतला. श्रेयश - गौतम आॅसीवर भारी पडत असल्याचे दिसत असल्याने भारत ‘अ’ आघाडी घेणार असेच चित्र होते. परंतु, ओकीफीने गौतमची ‘बॅट’ शांत करताना ही जोडी फोडली.
गौतमने ६८ चेंडूत १० चौकार आणि ४ उत्तुंग षटकारांसह ७४ धावा काढल्या. गौतम बाद झाल्यानंतर ओकीफी आणि लियॉन यांनी उर्वरीत फलंदाजांना झटपट बाद करुन भारत ‘अ’चा डाव ४०३ धावांत गुंडाळला. लियॉन आणि ओकीफे या फिरकी जोडीने अनुक्रमे ४ व ३ बळी घेतले असले, तरी दोघांनीही शतकी धावांची खैरात केली. यानंतर दुसऱ्या डावाला सुरुवात करताना आॅस्टे्रलियाने ४ बाद ११० धावांची मजल मारली.
सलामीवीर मॅट्ट रेनशॉ (१०) आणि बढती मिळालेला ग्लेन मॅक्सवेल (१) यांना झटपट बाद करुन भारतीयांनी कांगारुंची २ बाद ३२ अशी अवस्था केली. यानंतर डेव्हीड वॉर्नरही (३५) अशोक दिंडाचा शिकार
ठरल्याने आॅसी ३ बाद ५९ असे
कोंडित सापडले. परंतु, ओकीफे (नाबाद १९) आणि पीटर हँड्सकॉम्ब (३७) यांनी ४२ धावांची भागीदारी करुन संघाला सावरले. हँड्सकॉम्ब परतल्यानंतर आॅस्टे्रलियाने भारतीय कर्णधाराच्या संमतीने सामना अनिर्णित राखला. (क्रीडा प्रतिनिधी)

धावफलक
आॅस्टे्रलिया (पहिला डाव) : १२७ षटकात ७ बाद ४६९ धावा.
भारत ‘अ’ (पहिला डाव) : ४ बाद १७२ धावांवरुन पुढे... श्रेयश अय्यर नाबाद २०२, रिषभ पंत झे. व गो. ओकीफे २१, इशान किशन झे. वेड गो. मिशेल मार्श ४, क्रिष्णप्पा गौतम त्रि. गो. ओकीफे ७४, शाहबाज नदीम पायचीत गो. ओकीफी ०, अशोक दिंडा झे. हँड्सकॉम्ब गो. लियॉन २, नवदीप सैनी झे. स्मिथ गो. लियॉन ४. एकूण : ९१.५ षटकात सर्वबाद ४०३ धावा. गोलंदाजी : जॅक्सन बर्ड २०-८-६०-२; नॅथन लियॉन २८.५-३-१६२-४; स्टीव्ह ओकीफे २४-३-१०१-३;
आॅस्टे्रलिया (दुसरा डाव) : डेव्हीड वॉर्नर झे. बाबा इंद्रजित गो. दिंडा ३५, मॅट रेनशॉ त्रि. गो. पंड्या १०, ग्लेन मॅक्सवेल त्रि. गो. सैनी १, स्टीव्ह ओकीफे नाबाद १९, पीटर हँड्सकॉम्ब झे. गौतम गो. पंत ३७, मॅथ्यू वेड नाबाद ६. एकूण : ३६ षटकात ४ बाद ११० धावा.
अवांतर - २. गोलंदाजी : हार्दिक पंड्या ५-१-३०-१; नवदीप सैनी ७-२-२०-१; अशोक दिंडा ७-२-१८-१; रिषभ पंत २-०-९-१;



आॅस्टे्रलिया दौरा फायदेशीर ठरला : अय्यर
मुंबई : भारत ‘अ’कडून खेळताना केलेला आॅस्टे्रलिया दौरा माझ्यासाठी खूप महत्त्वाचा ठरला. एक खेळाडू म्हणून या दौऱ्यात
खूप शिकायला मिळाले आणि या दौऱ्याचा माझ्या कारकिर्दीमध्ये खूप फायदा झाला, असे आॅस्टे्रलियाविरुध्दच्या सराव सामन्यात द्विशतक झळकावणाऱ्या श्रेयश अय्यरने म्हटले.

विराट कोहली अशा खेळाडूंपैकी आहे, की ज्यांना तुम्ही डिवचले तर त्या परिस्थितीमध्ये त्यांचा खेळ अधिक बहरतो आणि जर का तुम्ही अशा खेळाडूंच्या मागे हात धुऊन पडलात तर, त्यांचा खेळ याहूनही अधिक बहरतो. आम्हाला आमचा सर्वश्रेष्ठ खेळ करावा लागेल. मैदानावर आम्ही स्लेजिंगच्या निर्धाराने न उतरता खिलाडूवृत्तीने सर्वोत्तम क्रिकेट खेळण्याच्या निर्धाराने आम्ही उतरु.- डेव्हीड वॉर्नर