..त्यामुळे हॅरिसला संघात संधी नाही

इंग्लंडमध्ये या वर्षी होणाऱ्या अ‍ॅशेस सिरीजसाठी तंदुरुस्त राहावा यासाठी अनुभवी गोलंदाज रियान हॅरिस याचा आॅस्ट्रेलियाच्या वर्ल्डकप संघात समावेश करण्यात आला

सिडनी : इंग्लंडमध्ये या वर्षी होणाऱ्या अ‍ॅशेस सिरीजसाठी तंदुरुस्त राहावा यासाठी अनुभवी गोलंदाज रियान हॅरिस याचा आॅस्ट्रेलियाच्या वर्ल्डकप संघात समावेश करण्यात आला नाही, असे स्पष्टीकरण आॅस्ट्रेलियन निवड समितीने दिले आहे़
आॅस्ट्रेलिया निवड समितीने रविवारी आगामी वन-डे वर्ल्डकपसाठी संघ घोषित केला़ या संघात स्टार गोलंदाज हॅरिसला संधी मिळाली नाही़
मुख्य निवडकर्ते रॉड मार्श म्हणाले, वर्ल्डकपमध्ये हॅरिसचा आम्हाला उपयोग झाला असता; मात्र आगामी अ‍ॅशेस सिरीजही आमच्यासाठी महत्त्वाची आहे़ त्यामुळे या प्रतिष्ठित स्पर्धेसाठी हा खेळाडू तंदुरुस्त राहावा यामुळे त्याचा वर्ल्डकप संघात समावेश करण्यात आला नाही़
हॅरिसने आतापर्यंत केवळ २१ वन-डे सामन्यांत देशाचे प्रतिनिधित्व केले आहे़ त्याने अखेरचा वन-डे सामना तीन वर्षांपूर्वी खेळला होता़ हॅरिसच्या गुडघ्यावर नुकतीच शस्त्रक्रिया झाली आहे़ त्यानंतर त्याने भारताविरुद्धच्या कसोटी मालिकेत प्रभावी कामगिरी केली होती़ (वृत्तसंस्था)