स्पेशल ऑलिम्पिक्सच्या पदकांनी सुवेतलाही बनविले ‘सेलीब्रिटी’

पॉवरलिफ्टींगात जागतिक पदक मिळविणारा पहिला गोमंतकीय : अचंबित करणारी वाटचाल

सुशांत कुंकळयेकर, मडगाव: शरीर किंवा परिस्थिती भलेही साथ न देवो पण जर तुम्ही मनात कुठलीही आकांक्षा बाळगली आणि तुमच्या ध्येयाकडे वाटचाल करण्याची तयारी ठेवली तर गगनही ठेंगणो होते. पंटेमळ-कुडचडे येथील सुवेत सतीश लोटलीकर याच्या बाबतीतही ते खरे ठरले आहे. अबु धाबीत झालेल्या स्पेशल ऑलिम्पिक्समध्ये दोन कांस्यपदक पटकावून गोव्यात आलेल्या सुवेतचे अगदी हिरोईक स्वागत झाले आहे. सोशल मिडियावर त्याला मिळत असलेले लाईक्स पाहिल्यास तो आता ‘सेलीब्रिटी’मध्ये गणला जाणार असेही जाणवू लागले आहे. 
या ऑलिम्पिक्समध्ये सुवेतने पॉवरलिफ्टींग आणि बँच प्रेस या दोन क्रीडा प्रकारात ही पदके मिळविली. पॉवरलिफ्टींग या क्रीडा प्रकारात जागतिक पदक मिळविणारा पहिलाच गोमंतकीय खेळाडू बनण्याचा मानही त्याने पटकाविला. लहान असताना सतत आजारी पडणा:या सुवेतने आजवर मारलेली मजल त्यामुळेच अचंबित करणारी ठरली आहे.
अबु धाबीहून शनिवारी पहाटे दोन वाजण्याच्या सुमारास सुवेतचे विमान दाबोळीला पोहोचले तेव्हा त्याच्या स्वागताला त्याचे आई-वडील सतीश व सरिता यांच्यासह त्याचे प्रशिक्षक रवी देसाई एवढेच नव्हे तर कुडचडेतील सुमारे शंभर लोक हजर होते. गळ्यात दोन पदके घालून विमानतळाच्या बाहेर आलेल्या सुवेतचे एवढय़ा अगत्याने स्वागत केले गेले की आता माङया डोळ्यावरची झोपही उडाली असे शद्ब सुवेतच्या तोंडून आले. मात्र कुडचडे ते अबु धाबी हा त्याचा आजवरचा प्रवास एवढा सोपा होता का? त्याचे वडील सतीश सांगतात, कुठल्याही आई-वडिलाला आपले मुल सुदृढ असावे असे वाटणो साहजिकच. मात्र सुवेत जन्मताच काहीसा विकलांग असल्याचे लक्षात आल्यानंतर त्याच्या आई-वडिलांनाही धक्का बसलाच. डॉक्टरनीही त्याची आशा सोडली होती. लहान असताना सुवेत एवढा आजारी असायचा की हवामानात थोडाही बदल झाला की तो एवढा आजारी पडायचा की त्याला थेट गोवा वैद्यकीय महाविद्यालयात दाखल करावे लागायचे. लहानपणात एवढा आजारी पडणारा सुवेत बॉडीबिल्डींग आणि पॉवरलिफ्टींग यासारख्या  अंगमेहनतीच्या खेळात प्रविण कसा होऊ शकला?
त्याच्या या प्रवासाबद्दल त्याचे वडील सांगतात, 1992 मध्ये कुडचडेत खास मुलांसाठी असलेल्या संजय विद्यालयाची स्थापना झाली. कुडचडेतील सर्वोदय हायस्कूलच्या एका खोलीत या खास मुलांचे वर्ग भरायचे. त्या शाळेत सुवेतलाही भरती करण्यात आले. या शाळेच्या शेजारी एक व्यायामशाळा होती. या व्यायामशाळेत जाणा:या युवकांना पाहून सुवेतलाही  आपण असेच काहीतरी व्हावे असे वाटायला लागले. मात्र तो लहान असल्याने त्याला या व्यायामशाळेत दाखल होता आले नाही. 
मात्र वयाच्या 16व्या वर्षी सुवेतला व्यायामशाळेत दाखल करुन घेण्यात आले. एसएजीचे प्रशिक्षक रवी देसाई यांच्या मार्गदर्शनाखाली त्याची तयारी सुरु झाली. आणि आश्र्चर्याची गोष्ट म्हणजे, या व्यायामशाळेने सुवेतच्या आरोग्याच्या बाबतीतही बदल घडवून आणण्यास सुरुवात केली. पूर्वी सतत आजारी पडणा:या सुवेतपासून आता आजारही दूर पळाले होते. त्याचे वडील सांगतात, या व्यायामशाळेत सुवेत एवढा रमला की घरापेक्षाही त्याला ही व्यायामशाळाच जास्त आवडू लागली.
2017 मध्ये सुवेतची स्पेशल ऑलिम्पिक भारत या स्पर्धेसाठी निवड झाली आणि कोल्हापुरात झालेल्या या स्पर्धेत पहिल्याच प्रयत्नात सुवेतने दोन सुवर्णपदके पटकावली आणि त्याचे नाव सर्वत्र झाले. कुडचडेच्या चेतना स्कूलमध्ये शिकणारा सुवेत त्यानंतर जणू सेलेब्रिटीच झाला. सुवेतने इथर्पयत मजल मारण्यासाठी गोवा क्रीडा प्राधिकरणाचाही मोठा वाटा असल्याचे लोटलीकर सांगतात. मागची 15 वर्षे कुठलीही फी न आकारता सागच्या व्यायामशाळेत त्याला प्रशिक्षण देण्यात आले. त्याचे प्रशिक्षक रवी देसाई यांनी तर आपल्या स्वत:च्या मुलाला सांभाळावे त्याप्रमाणो सुवेतची देखभाल केली.
सतत आजारी पडणारा सुवेत आणि आज पॉवरलिफ्ंिटगसारख्या स्पर्धेत जागतिक स्तरावर पदक पटकावणारा सुवेत इथर्पयतच्या प्रवासाबद्दल बोलताना लोटलीकर म्हणतात, आज मला वाटते की सुवेतमुळे आमचे आयुष्य धन्य झाले. कुठल्याही मुलात जर काही व्यंग असले तरी त्याच्याकडे काही खास गुणही असतात. वेळीच हे गुण पारखून जर त्याला चांगल्याप्रकारे खत पाणी घातले तर ही मुले जागतिक स्तरावरही चमकू शकतात. सुवेतने आपल्या कामगिरीने ते सिद्ध केले आहे. असे अन्य कित्येक सुवेत असतील ज्यांचे गुण वेळीच पारखले आणि त्यांना प्रोत्साहन दिले तर ते सुवेतही राज्यासाठी व देशासाठी अशी पदके आणू शकतात.