बलाढ्य निगेलची झुंजार आगेकूच

अव्वल मानांकीत आणि विजेतेपदाचा प्रबळ दावेदार असलेल्या मुंबईच्या निगेल डीह्णसा याने अपेक्षेप्रमाणे पहिल्या महाराष्ट्र राज्य निवड चाचणी स्पर्धेच्या उपांत्यपुर्व फेरीत धडक मारली.

राज्य बॅडमिंटन : उपांत्यपुर्व फेरीसाठी पुण्याच्या वसिमने झुंजवले

मुंबई : अव्वल मानांकीत आणि विजेतेपदाचा प्रबळ दावेदार असलेल्या मुंबईच्या निगेल डी’सा याने अपेक्षेप्रमाणे पहिल्या महाराष्ट्र राज्य निवड चाचणी स्पर्धेच्या उपांत्यपुर्व फेरीत धडक मारली. मात्र यासाठी त्याला पुण्याच्या वसिम शेखने तीन गेमपर्यंत झुंजवले. त्याचवेळी अन्य मुंबईकर अब्दुल बारीने देखील आगेकूच केली.
महाराष्ट्र बॅडमिंटन असोसिएशनच्या मान्यतेने स्पोटर््स युनायटेडच्या वतीने चेंबुर जिमखाना येथे सुरु असलेल्या या स्पर्धेत निगेलला वसिमकडून कडवी टक्कर मिळाली. पहिला गेम जिंकून आघाडी घेतल्यानंतर निगेलला दुसºया गेममध्ये वसिमने नमवले. यानंतर तिसºया निर्णायक गेममध्ये दमदार खेळ करताना निगेलने १५-१०, १०-१५, १५-१० अशी बाजी मारुन आगेकूच केली. अब्दुलने सहज आगेकूच करताना मुंबईच्याच अमित क्षत्रियचे आव्हान १५-१४, १५-१० असे संपुष्टात आणले.
दुसरीकडे पुणेकर अभिषेक कुलकर्णीने सहजपणे उपांत्यपुर्व फेरी गाठताना सांगलीच्या श्रीपाद परदेशीचा १५-१०, १५-१३ असा पराभव केला. अनुभव विप्लव कुवळेनेही मुंबईच्याच हर्ष जगधानेचा १५-१०, १५-१२ असा पाडाव करुन दिमाखात उपांत्यपुर्व फेरीत प्रवेश केला. ठाण्याच्या अक्षय राऊतने मुंबईच्या अनीश नायरचा १५-६, १५-७ असा धुव्वा उडवला.
नागपूरच्या गौरव रेगेने दणदणीत विजय मिळवताना नाशिकच्या हृषिकेश झाडेचा १५-३, १५-९ असा फडशा पाडला. तर मुंबईच्या रोहित मोरेला नाशिकच्या विनायक दंडवतेविरुद्ध ११-१५, १०-१५ अशा निराशाजनक पराभवासह गाशा गुंडाळावा लागला. (क्रीडा प्रतिनिधी)

दुहेरी निकाल :
अभिषेक कुलकर्णी / निशाद द्रविड वि.वि. लोकेश सोनावणे / वसिम शेख १५-६, १५-९; अक्षय राऊत / प्रसाद शेट्टी वि.वि. मोहित कनानी / शैलेश पाटील १५-४, १५-७; एशान नाक्वी / वरुण खानवलकर वि.वि. श्रेयश कृष्णमुर्ती / वरद गोवंडे १५-१०, १५-१२; सचिन भारती / विलास कुवळे वि.वि. मनिष हडकर / संदीप मोहन १५-१२, १५-११.